ମାଲକାନଗିରି , ସ୍ୱଚ୍ଛ ଭାରତ ଅଭିଯାନ ଓ କଲ୍ୟାଣ ବିଭାଗ ର ମିଳିତ ଆନୁକୁଲ୍ୟରେ ଖଇରପୁଟ ବ୍ଲକ ଅନ୍ତର୍ଗତ ରାସବେଡା ସ୍ଥିତ ଆଦିବାସୀ ହରିଜନ ଆଶ୍ରମ ବିଦ୍ୟାଳୟ ପରିସରରେ ସ୍ୱଚ୍ଛ ଭାରତ ଅଭିଯାନ ଅନୁଷ୍ଠିତ ହୋଇଯାଇଛି । ରାସବେଡା ଗ୍ରାମ ପଞ୍ଚାୟତ ର ସରପଞ୍ଚ ଶ୍ରୀମତି ପ୍ରମିଳା ଗୁଟ୍ଟା , ବିଦ୍ୟାଳୟ ର ପ୍ରଧାନ ଶିକ୍ଷକ ଅଭୟ କୁମାର ମହାନ୍ତି, ଶିକ୍ଷକ ବୀରକିଶୋର ଜେନା ଙ୍କ ନେତୃତ୍ବରେ ବିଦ୍ୟାଳୟ ର ସମସ୍ତ ଶିକ୍ଷକ ଶିକ୍ଷୟିତ୍ରୀ ଓ ଛାତ୍ରଛାତ୍ରୀ ମାନେ ଏହି ଅଭିଯାନରେ ସାମିଲ ହୋଇ ବିଦ୍ୟାଳୟ ପରିସରରେ ଥିବା ସମସ୍ତ ଅଳିଆ, ଆବର୍ଜ୍ଜନା ସଫା କରିବା ସହ ଉକ୍ତ ଅଳିଆ ଗୁଡ଼ିକୁ ବହୁ ଦୁରରେ ଅବସ୍ଥିତ ଅଳିଆଗଦାରେ ପକାଇ ଥିଲେ ଓ ଏହା ପରେ ସମସ୍ତେ ଏକତ୍ରିତ ହୋଇ ସମ୍ପୁର୍ଣ୍ଣ ରାସବେଡା ଗ୍ରାମ ପରିକ୍ରମା କରି ସ୍ୱଚ୍ଛ ଭାରତ ଅଭିଯାନର ବାର୍ତ୍ତା ସ୍ଲୋଗାନ ମାଧ୍ୟମରେ ଦେଇ ଜନ ସାଧାରଣଙ୍କୁ ସଚେତନତା ସୃଷ୍ଟି ଉଦ୍ଦେଶ୍ୟରେ ବାର୍ତ୍ତା ଦେଇଥିଲେ ।
