କନ୍ଧମାଳ, କନ୍ଧମାଳ ଜିଲ୍ଲା ଫିରିଙ୍ଗିଆ ବ୍ଳକ ଅନ୍ତର୍ଗତ କେଲାପଡା ପଂଚାୟତର ଗେରୁପଡା ଗ୍ରାମର ବାଳକୃଷ୍ଣ ଦଳବେହେରା ନାମକ ଜଣେ ବ୍ୟକ୍ତିଙ୍କ ଘର ଲଗାଣ ବର୍ଷା ଯୋଗୁଁ ଭାଙ୍ଗି ଯାଇଛି । ଫଳରେ ତାଙ୍କର ଝାଟିମାଟି ଘର ସମେତ ଘରେ ଥିବା ଟିଭି ଏବଂ ଘରର ସମସ୍ତ ଆସବାବପତ୍ର ଭାଙ୍ଗି ନଷ୍ଟ ହୋଇଯାଇଛି । ସୋମବାର ରାତିରେ ପରିବାର ଲୋକେ ଘରେ ଶୋଇଥିବା ବେଳେ ରାତି ପ୍ରାୟ ବାରଟା ବେଳେ ଏହିଭଳି ଅଘଟଣ ଘଟିଛି ପରିବାର ଲୋକଙ୍କ ସହିତ । ବାଳକୃଷ୍ଣ ତାଙ୍କ ଚାରି ପୁଅଙ୍କ ସମେତ ସପରିବାର ସେଠାରେ ରହି ଆସୁଥିଲେ । ସୌଭାଗ୍ୟା ବସତଃ ପରିବାଲ ଲୋକଙ୍କର କୌଣସି ଶାରୀରିକ କ୍ଷତି ଘଟି ନଥିବା ବେଳେ ତାଙ୍କ ଘରେ ଥିବା ଏକ ଏଲଇଡି ଟିଭି ଭାଙ୍ଗି ଯାଇଥିବା ସହିତ ତାଙ୍କ ପରିବାରର ସମସ୍ତ ଜିନିଷ ପତ୍ର ସବୁ ଭାଙ୍ଗିରୁଜି ନଷ୍ଟ ହୋଇଯାଇଛି । ବାଳକୃଷ୍ଣ ଏକ ପକ୍କା ଘର ପାଇଁ ଆବାସ ଯୋଜନାରେ ଆବେଦନ କରିବା ସହିତ ବ୍ଳକ ଏବଂ ପଂଚାୟତରେ ଗୁହାରି କରିଥିଲେ ହେଁ ତାଙ୍କୁ ଏହି ଯୋଜନାରେ ସାମିଲ କରାଯାଇନ ଥିବାରୁ ବର୍ତମାନ ସେ ଏବଂ ତାଙ୍କ ପରିବାର ବାସହୀନ ହୋଇ ଯାଇଛନ୍ତି ।
