ନୂଆଦିଲ୍ଲୀ, ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଆଜି ଭିଡିଓ କନଫରେନ୍ସିଂ ମାଧ୍ୟମରେ ପୁରୀ –ରାଉରକେଲା ବନ୍ଦେ ଭାରତ ଏକ୍ସପ୍ରେସ ସମେତ ମୋଟ ନଅ ବନ୍ଦେ ଭାରତ ଟ୍ରେନକୁ ସବୁଜ ପତାକା ଦେଖାଇ ଶୁଭାରମ୍ଭ କରିଛନ୍ତି । ଏହି ଅବସରରେ ସେ କହିଛନ୍ତି ଯେ ଦେଶର ଗରିବ ଏବଂ ମଧ୍ୟବିତ୍ତଙ୍କ ପାଇଁ ରେଳବାଇ ହେଉଛି ସର୍ବୋତ୍ତମ ସାଥୀ । ଆଜିର ଯାତ୍ରୀ ଭ୍ରମଣର ସହଜତା ଏବଂ ସମୟ ସଂଚୟ ଚାହୁଁଛନ୍ତି ଯେଉଁଥିରେ ବନ୍ଦେ ଭାରତ ଏକ୍ସପ୍ରେସ ଏକ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରୁଛି ।
ନୂତନ ଟ୍ରେନର ନାମ ହେଉଛି- ଉଦୟପୁର-ଜୟପୁର ବନ୍ଦେ ଭାରତ ଏକ୍ସପ୍ରେସ; ତିରୁନେଲଭେଲି-ମଦୁରାଇ-ଚେନ୍ନାଇ ବନ୍ଦେ ଭାରତ ଏକ୍ସପ୍ରେସ; ହାଇଦ୍ରାବାଦ-ବେଙ୍ଗାଲୁରୁ ବନ୍ଦେ ଭାରତ ଏକ୍ସପ୍ରେସ; ବିଜୟୱାଡା-ଚେନ୍ନାଇ ବନ୍ଦେ ଭାରତ ଏକ୍ସପ୍ରେସ; ପାଟନା-ହାୱରା ବନ୍ଦେ ଭାରତ ଏକ୍ସପ୍ରେସ; କାସାରାଗୋଡ-ଥିରୁବନନ୍ତପୁରମ୍ ବନ୍ଦେ ଭାରତ ଏକ୍ସପ୍ରେସ; ରାଉରକେଲା-ଭୁବନେଶ୍ୱର-ପୁରୀ ବନ୍ଦେ ଭାରତ ଏକ୍ସପ୍ରେସ; ରାଂଚି-ହାୱରା ବନ୍ଦେ ଭାରତ ଏକ୍ସପ୍ରେସ; ଜାମନଗର-ଅହମ୍ମଦାବାଦ ବନ୍ଦେ ଭାରତ ଏକ୍ସପ୍ରେସ ।
ଏହି ନଅଟି ଟ୍ରେନ୍ ୧୧ ଟି ରାଜ୍ୟରେ ରାଜସ୍ଥାନ, ତାମିଲନାଡୁ, ତେଲେଙ୍ଗାନା, ଆନ୍ଧ୍ରପ୍ରଦେଶ, କର୍ଣ୍ଣାଟକ, ବିହାର, ପଶ୍ଚିମବଙ୍ଗ, କେରଳ, ଓଡିଶା, ଝାଡଖଣ୍ଡ ଏବଂ ଗୁଜୁରାଟରେ ସଂଯୋଗ ବୃଦ୍ଧି କରିବ । ରେଳ ମନ୍ତ୍ରଣାଳୟ ଅନୁଯାୟୀ, ଏହି ନୂତନ ବନ୍ଦେ ଭାରତ ଟ୍ରେନ୍ ଦେଶରେ ସଂଯୋଗକୁ ସୁଦୃଢ କରିବା ଏବଂ ରେଳ ଯାତ୍ରୀଙ୍କୁ ବିଶ୍ୱ ସ୍ତରୀୟ ସୁବିଧା ଯୋଗାଇବା ପାଇଁ ପ୍ରଧାନମନ୍ତ୍ରୀଙ୍କ ଦୃଷ୍ଟିକୁ ସାକାର କରିବା ଦିଗରେ ଏକ ପଦକ୍ଷେପ । ଏହି ବନ୍ଦେ ଭାରତ ଟ୍ରେନ୍ ଗୁଡିକ ସେମାନଙ୍କର କାର୍ଯ୍ୟକ୍ଷମ ମାର୍ଗରେ ଦ୍ରୁତ ଗତିରେ ଚାଲିବ ଏବଂ ୨ ରୁ ୩ ଘଂଟା ଯାତ୍ରୀ ସମୟ ସଂଚୟ କରିବ ।
