କୈଳାଶ ଚନ୍ଦ୍ର ପଣ୍ଡାଙ୍କ ରିପୋର୍ଟ,
ପୁରୀ,ଶ୍ରୀମନ୍ଦିର ରେ ରାଧା ଅଷ୍ଟମୀ ଅବସରରେ ସୁଦର୍ଶନଙ୍କ ଆଶ୍ରମ ବିଜେ ନୀତି ଅନୁଷ୍ଠିତ ହୋଇଯାଇଛି |ମଧ୍ୟାହ୍ନ ଧୂପ ଭୋଗ ସରି ପାଣି ପଡିବା ପରେ ଉତ୍ତରା ରେ ପଶୁପାଳକ ମାନେ ଶ୍ରୀଦେବୀ ଓ ଭୂଦେବୀଙ୍କୁ ବିଜେ କରାଇ ଆଣି ଖଟ ଶେଜ ଘରେ ବିଜେ କରାଇଥିଲେ ।
ତତ୍ପରେ ଦଇତାପତି ମାନେ ସୁଦର୍ଶନଙ୍କୁ ପଣ୍ଡା ଶ୍ରୀଅଙ୍ଗରୁ ଆଜ୍ଞାମାଳ ଦେବା ପରେ ପହଣ୍ଡି କରି ଆଣି ଜଗମୋହନ ଚଉଦୋଳ ରେ ବିଜେ କରାଇଥିଲେ ।
ରୁନ୍ଧା କାର୍ଯ୍ୟ ସରି ପାଟପତନୀ ଲାଗି ହୋଇଥିଲେ । ଏହାପରେ ବିମାନବଡୁ ସେବକ ଚଉ ଦୋଳ କୁ ମୁକ୍ତିମଣ୍ଡପ ନିକଟକୁ ନେଇଥିଲେ । ସେଠାରେ ଶ୍ରୀ ସୁଦର୍ଶନଙ୍କୁ ସୁବର୍ଣ୍ଣ ହରିଡ଼ାମାଳ , କମର ପଟି , ଦୟଣାମାଳି ସେବକ ଦେଇଥିବା ଚୁଳ ଲାଗି କରିଥିଲେ । ପ୍ରଭୁ ଶ୍ରୀ ସୁଦର୍ଶନ ବଡ଼ଦେଉଳର ଏକ ବେଢା଼ କରି ସିଂହଦ୍ୱାର ଦେଇ ଜମ୍ବେଶ୍ୱର ମନ୍ଦିର ନିକଟ ଆଶ୍ରମ ବିଜେ କରିଥିଲେ । ଏହି ଅବସରରେ ମହାପ୍ରଭୁଙ୍କ ହିସାବ ତଦାରଖ କରିଥିଲେ |ସେଠାରେ ପ୍ରସାଦ ଲାଗି ହୋଇ ଶୀତଳ ଭୋଗ ବନ୍ଦାପନା ନୀତି ହୋଇଥିଲା ଏବଂ ସୁଦର୍ଶନ ବାହୁଡା ବିଜେ କରିଥିଲେ ।
ପାଳିଆ ମେକାପ ସିଂହାସନ ପୋଛା ସରିବା ପରେ ଚାରି ବାଡ଼ରେ ମହାସ୍ନାନ ବଢିବା ପରେ ପାଳିଆ ପଶୁପାଳକ ଶ୍ରୀଦେବୀ ଓ ଭୂଦେବୀଙ୍କୁ ସିଂହାସନ ବିଜେ କରାଇଥିଲେ । ସନ୍ଧ୍ୟା ଆଳତି , ସନ୍ଧ୍ୟା ଧୂପ ବଢିବା ପରେ ପ୍ରଭୁ ସୁଦର୍ଶନ ବାଡରେ ପ୍ରସାଦ ଲାଗି ଏବଂ ବନ୍ଦାପନା ନୀତି ଅନୁଷ୍ଠିତ ହୋଇଥିଲା |
