
କୈଳାଶ ଚନ୍ଦ୍ର ପଣ୍ଡାଙ୍କ ରିପୋର୍ଟ,
ପୁରୀ,ଓଡ଼ିଆ ସ୍ଵାକ୍ଷର ଦିବସ ଅବସରରେ ନୀଳଶୈଳ ଓ ବିଶ୍ଵ ଓଡ଼ିଆ ସମ୍ମିଳନୀ ପକ୍ଷରୁ ପୌରସଦନ ଛକ ଓ କଲେଜ ଛକ ଠାରେ ଓଡ଼ିଆ ସ୍ଵାକ୍ଷର ସଂକଳ୍ପ ଦିବସ ପାଳିତ ହୋଇଯାଇଛି l ଏହି ଅବସରରେ ଓଡ଼ିଆ ଲିପିରେ ଦସ୍ତଖତ ଅଭିଯାନ ଅନୁଷ୍ଠିତ ହୋଇଥିଲା l ଏଥିରେ ମହାବିଦ୍ୟାଳୟର ଛାତ୍ର ଛାତ୍ରୀ, ବରିଷ୍ଠ ନାଗରିକ, ସାହିତ୍ୟିକ, ଲେଖକ ମାନେ ଓଡ଼ିଆରେ ସ୍ଵାକ୍ଷର କରିଥିଲେ l ଏହି ଦସ୍ତଖତ ଅଭିଯାନକୁ ଅତିରିକ୍ତ ଜିଲ୍ଲାପାଳ ପ୍ରୋଟକଲ ଡକ୍ଟର ଶରତ ଚନ୍ଦ୍ର ମହାପାତ୍ର ଶୁଭାରମ୍ଭ କରିଥିଲେ l କାର୍ଯ୍ୟକ୍ରମର ଉଦେଶ୍ୟ ଏହା ଯେ ଦେଶ ବିଦେଶରେ ଥିବା ପ୍ରତେକ ଓଡ଼ିଆ ଗୋଟିଏ ଦିନ ଆମ ନିଜର ମାତୃଭାଷା ଓଡ଼ିଆ ଲିପିରେ ନିଜେ ଦସ୍ତଖତ କରିବା ସହିତ ନିଜ ପିଲାମାନଙ୍କୁ ଓଡ଼ିଆ ଲିପିରେ ଦସ୍ତଖତ କରିବା ପାଇଁ ପ୍ରବର୍ତ୍ତାଇ ଓଡ଼ିଆ ଭାଷା ଆନ୍ଦୋଳନରେ ନିଜକୁ ସାମିଲ କରିବା ପରମ କର୍ତ୍ତବ୍ୟ ବୋଲି ଆହ୍ୱାନ ଦିଆଯାଇଥିଲା l ଅନ୍ୟମାନଙ୍କ ମଧ୍ୟରେ ବିଶିଷ୍ଟ ଲେଖକ ସୁରେଶ କୁମାର ପଟ୍ଟନାୟକ, ସ୍ତମ୍ଭକାର ଗୁରୁଚରଣ ଦାସ, ନାରାୟଣ ନନ୍ଦ, ସାମ୍ବାଦିକ ସରୋଜ କୁମାର ମିଶ୍ର, ରଞ୍ଜନ ଗାଙ୍ଗୁଲି, ଲକ୍ଷ୍ମୀ ନାରାୟଣ ପଟ୍ଟନାୟକ ପ୍ରମୁଖ କାର୍ଯ୍ୟକ୍ରମ ପରିଚାଳନା କରିଥିଲେ l