ଧର୍ମଶାଳା, ବିବେକାନନ୍ଦ ଜେନା ବିଜେପି ରାଜ୍ୟ ଓବିସି ମୋର୍ଚ୍ଚାର ସମ୍ପାଦକ ଭାବେ ମନୋନୀତ ହୋଇଛନ୍ତି । ଯାଜପୁର ଜିଲା ବରୀ ନିର୍ବାଚନ ମଣ୍ଡଳୀ ଅନ୍ତର୍ଗତ ବାଲିବିଲି ପଂଚାୟତର ଏହି ଯୁବ ନେତା ଆଜକୁ ଦୀର୍ଘ ଦିନ ହେବ ବିଜେପି ଓବିସି ମୋର୍ଚ୍ଚାର ରାଜ୍ୟ ସଂଯୋଜକ ଭାବେ କାର୍ଯ୍ୟ କରି ବିଶେଷ ପରିଚୟ ସୃଷ୍ଟି କରିଥିଲେ । ସେ ଜଣେ ଦକ୍ଷ ଚାର୍ଟାଡ ଆକାଉଁଟାଂଟ ଭାବେ ଜଣାଶୁଣା । ବିଜେପି ପାଇଁ ମଧ୍ୟ ଦୃଢ ସଂଗଠକ ଓ ସଂଘ ପରିବାରର ବ୍ୟକ୍ତି ଭାବେ ସଦାସର୍ବଦା କାର୍ଯ୍ୟ ତୁଲାଇ ଆସିଛନ୍ତି । ତାଙ୍କ କାର୍ଯ୍ୟକାଳ ସମୟରେ ନିଜର ଦାୟିତ୍ଵ ସୂଚାରୂପେ ତୁଲାଇବା ସହିତ ପଛୁଆ ବର୍ଗଙ୍କ ସାମ୍ବିଧାନିକ ଅଧିକାର ପାଇଁ ଓଡିଶା ସାରା କାର୍ଯ୍ୟ କରିଥିଲେ । ନୂଆ ଦାୟିତ୍ଵ ପାଇବା ପରେ ତାଙ୍କ ସମର୍ଥକଙ୍କ ଭିତରେ ଖୁସିର ଲହାରୀ ଖେଳି ଯାଇଛି । ଏହି ଦାୟିତ୍ଵ ମିଳିବା ପରେ ସେ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ, ରାଜ୍ୟ ସଭାପତି ମନମୋହନ ସାମଲ ଓ ରାଜ୍ୟ ଓବିସି ମୋର୍ଚ୍ଚା ସଭାପତି ସୁରଥ ବିଶ୍ଵାଳଙ୍କୁ କୃତଜ୍ଞତା ଜଣାଇଛନ୍ତି । ଆଗାମୀ ଦିନରେ ଭାଜପା ଦଳକୁ ତୃଣମୂଳ ସ୍ତରରେ ଆହୁରି ମଜବୁତ କରିବା ପାଇଁ ପ୍ରୟାସ ଜାରି ରଖିବେ ବୋଲି ଶ୍ରୀ ଜେନା ତାଙ୍କ ପ୍ରତିକ୍ରୀୟାରେ ପ୍ରକାଶ କରିଛନ୍ତି ।
