ଧର୍ମଶାଳା – ଯାଜପୁର ଜିଲା ରସୁଲପୁର ବ୍ଲକ ରାଉତରାପୁର ପଂଚାୟତ କୁଣ୍ଡପାଟଣାର ଅଗ୍ରଣୀ ଶିକ୍ଷାନୁଷ୍ଠାନ ଦର୍ଶନ ଉପ୍ରା ଓ ସରକାରୀ ଉଚ୍ଚ ବିଦ୍ୟାଳୟକୁ ଆଜି ପୂର୍ବାହ୍ନରେ ଯାଜପୁର ସାଂସଦ ଶର୍ମିଷ୍ଠା ସେଠୀ ପରିଦର୍ଶନ କରି ଫେରିଯାଇଥିବା ଜଣାପଡିଛି । ପୂର୍ବାହ୍ନରେ ସାଂସଦ ଶର୍ମିଷ୍ଠା ସେଠୀ ଏହି ବିଦ୍ୟାଳୟରେ ପଂହଚିବା ପରେ ତାଙ୍କୁ ବିଦ୍ୟାଳୟ ଓ ରାଉତରପୁର ପଂଚାୟତ ପକ୍ଷରୁ ପୁଷ୍ପଗୁଚ୍ଛ ପ୍ରଦାନ ପୂର୍ବକ ସ୍ୱାଗତ କରାଯାଇଥିଲା । ସାଂସଦ ଶ୍ରୀମତୀ ସେଠୀ ବିଦ୍ୟାଳୟ ପରିସର ବୁଲିବା ସହିତ ଶ୍ରେଣୀ ଗୃହ ଓ ବିଦ୍ୟାଳୟ କାର୍ଯ୍ୟାଳୟ ପରିଦର୍ଶନ କରିଥିଲେ । ବିଦ୍ୟାଳୟର ସୁନ୍ଦର ପରିବେଶ ଓ ଶ୍ରେଣୀ ଗୃହକୁ ଉଚ୍ଚ ପ୍ରଶଂସା କରିବା ସହିତ ଛାତ୍ରଛାତ୍ରୀମାନଙ୍କୁ ଭଲ ପାଠ ପଢିବା ପାଇଁ ପରାମର୍ଶ ଦେଇଥିଲେ ।
ସାଂସଦଙ୍କ ଏହି ଗସ୍ତ ସମୟରେ ସେଠାରେ ଅନ୍ୟମାନଙ୍କ ମଧ୍ୟରେ ଦର୍ଶନ ଉଚ୍ଚ ବିଦ୍ୟାଳୟର ପ୍ରଧାନଶିକ୍ଷକ ବସନ୍ତ କୁମାର ସାହୁ, ଶିକ୍ଷକ ପ୍ରବୋଧ ପାତ୍ର, ଜିତେନ୍ଦ୍ର କୁମାର ସାହୁ, ନୀଳମଣି ପରିଡାଙ୍କ ସମେତ ସମସ୍ତ ଶିକ୍ଷା କର୍ମଚାରୀ, ଗ୍ରାମବାସୀ ଓ ରାଉତରାପୁର ପଂଚାୟତର ସରପଂଚ ରେଣୁବାଳା ସେଠୀ, ଅନିରୁଦ୍ଧ ପୃଷ୍ଟି, ଗୋକୁଳ ସେଠୀ, ବାବୁଲି ସେଠୀ ଓ ଅରୁଣ କୁମାର ସେଠୀ ପ୍ରମୁଖ ଉପସ୍ଥିତ ରହିଥିଲେ ।
