ଧର୍ମଶାଳା – ଯାଜପୁର ଜିଲା ରସୁଲପୁର ବ୍ଲକ ଅନ୍ତର୍ଗତ ଲକ୍ଷ୍ମୀନଗର ପଂଚାୟତର ତରାପୁର ସ୍ଥିତ କଳିଙ୍ଗ ଉଚ୍ଚ ମାଧ୍ୟମିକ ବିଦ୍ୟାଳୟର ଛାତ୍ରୀ ସେକ୍ ଜୁମନ ଓ ତସଲିମା ଖାନ୍ଙ୍କ ଏକମାତ୍ର କନ୍ୟା ଉସ୍ମେ ରୁକେୟା(୧୫)ଙ୍କ ରାଜ୍ୟ ସ୍ତରୀୟ ଟାଏକୋଣ୍ଡ ଜୁନିଅର ପ୍ରତିଯୋଗିତା(୪୧ କି.ଲୋ ଓଜନ)ବର୍ଗରେ ସ୍ୱର୍ଣ୍ଣ ପଦକ ବିଜୟୀ ହୋଇଛନ୍ତି । ତାଙ୍କ ସଫଳତାକୁ ନେଇ କ୍ରୀଡାବିତ୍ଙ୍କ ମହଲରେ ଉତ୍ସାହ ଖେଳିଯାଇଛି । ଏଥି ସହ ବିଦ୍ୟାଳୟର ଅଧ୍ୟକ୍ଷ ଓ ଶିକ୍ଷିକାଶିକ୍ଷକମାନଙ୍କ ପକ୍ଷରୁ ରୁକେୟାକୁ ଶୁଭେଚ୍ଛା ଜ୍ଞାପନ କରାଯାଇଛି ।
ଧର୍ମଶାଳା ବ୍ଲକ ଜାରକାସ୍ଥିତ କଳ୍ପତରୁ ଦାସ ଇଣ୍ଡୋର ଷ୍ଟାଡିଅମ୍ରେ ସେପ୍ଟେମ୍ବର ୭ ରୁ ୯ ମଧ୍ୟରେ ଓଡିଶା ଟାଏକୋଣ୍ଡ ଆସୋସିଏସନ ଓ ଟାଏକୋଣ୍ଡା-ଓଡିଶାର ମିଳିତ ଆନୁକୂଲ୍ୟରେ ଆୟୋଜିତ ରାଜ୍ୟ ସ୍ତରରୀୟ ପ୍ରତିଯୋଗିତାରେ ଯାଜପୁର ଜିଲା ତରଫରୁ ଅଂଶ ଗ୍ରହଣ କରିଥିଲେ । ଏଥିରେ ୧୨ ଜଣ ପ୍ରତିଯୋଗୀ ଭାଗ ନେଇଥିଲେ । ସେମାନଙ୍କ ମଧ୍ୟରୁ ୫ ଜଣ ପ୍ରତିଯୋଗି ଅଯୋଗ୍ୟ ହୋଇଥିଲା ବେଳେ ଅନ୍ୟ ୬ଜଣଙ୍କୁ ପଛରେ ପକାଇ ରୁକେୟା ସ୍ୱର୍ଣ୍ଣ ପଦକ ହାସଲ କରିଛନ୍ତି । ସେ ଦିଲ୍ଲୀଠାରେ ଅନୁÂିତ ହେବାକୁ ଥିବା ଜାତୀୟ ସ୍ତରର ଟାଏକୋଣ୍ଡା ପ୍ରତିଯୋଗିତାରେ ଅଂଶ ଗ୍ରହଣ କରିବା ପାଇଁ ମନୋନୀତ ହୋଇଛନ୍ତି । ଏହାଛଡା ସେ ଜଣେ ମେଧାବୀ ଛାତ୍ରୀ ଅଟନ୍ତି । ତାଙ୍କର ବହୁମୁଖୀ ପ୍ରତିଭା ପାଇଁ ବିଭିନ୍ନ ମହଲରୁ ଶୁଭେଚ୍ଛାର ସୁଅ ଛୁଟି ଆସୁଛି । ତାଙ୍କର ସଫଳତାର ଶ୍ରେୟ ସେ ପ୍ରଶିକ୍ଷକ ସମର ସିଂ ପପୁଙ୍କୁ ଦେଇଛନ୍ତି ।
