ଧର୍ମଶାଳା, ଯାଜପୁର ଜିଲା ଚଣ୍ଡିଖୋଲ ପ୍ରେସ୍ କ୍ଲବର ସଭାପତି ତଥା ବରିଷ୍ଠ ସାମ୍ବାଦିକ ପ୍ରଦିପ୍ତ ପରିଡାଙ୍କର ଗୁରୁବାର ବିଳମ୍ବିତ ରାତିରେ କଟକସ୍ଥିତ ଏକ ଘରୋଇ ମେଡିକାଲରେ ୭୫ ବର୍ଷ ବୟସରେ ପରଲୋକ ହୋଇଯାଇଛି । ତାଙ୍କର ପରଲୋକ ଖବର ପ୍ରଚାରିତ ହେବା ପରେ ବଡଚଣା ଓ ଚଣ୍ଡିଖୋଲ ଅଂଚଳରେ ଶୋକରଛାୟା ଖେଳିଯାଇଛି । ଚଣ୍ଡିଖୋଲ ପ୍ରେସ୍ କ୍ଲବ ଓ ଧର୍ମଶାଳା ପ୍ରେସ୍ ବ୍ଲକ, ବହୁ ସରକାରୀ ଓ ଘରୋଇ ଶିକ୍ଷାନୁଷ୍ଠାନ, ଚଣ୍ଡିଖୋଲ ବ୍ୟବସାୟ ପ୍ରତିଷ୍ଠାନ ପକ୍ଷରୁ ଗଭୀର ଶୋକ ପ୍ରକାଶ ପାଇଛି ।
ସ୍ଵର୍ଗତ ପରିଡା ଚଣ୍ଡିଖୋଲ ବାର ଆସୋସିଏସନର ପ୍ରତିଷ୍ଠାତା ସଦସ୍ୟ, ବଡଚଣା ଯୁବ ପରିଷଦର ପ୍ରତିଷ୍ଠାତା ସଭ୍ୟ, ଏକ ପ୍ରତିଷ୍ଠିତ ଖବର କାଗଜରେ ସାମ୍ବାଦିକ ଭାବେ କାର୍ଯ୍ୟ କରିବା ସହ କଳିଙ୍ଗପ୍ରଭା ପାକ୍ଷିକ ପ୍ରତିକାର ସମ୍ପାଦକ ଓ ଚଣ୍ଡିଖୋଲ ଅଂଚଳର ଗଣପତି ଜ୍ଞାନ ମନ୍ଦିର ନାମରେ ଏକ ଶିକ୍ଷାନୁଷ୍ଠାନ ପ୍ରତିଷ୍ଠା କରି ଜିଲାରେ ଏକ ସ୍ଵତନ୍ତ୍ର ପରିଚୟ ସୃଷ୍ଟି କରି ପାରିଥିଲେ ।
