ନୂଆଦିଲ୍ଲୀ,ଅକ୍ଷରଧାମ ମନ୍ଦିର ପରିଦର୍ଶନ କଲେ ବ୍ରିଟେନ ପ୍ରଧାନମନ୍ତ୍ରୀ ଋଷି ସୁନକ । ଜି-20 ଶିଖର ସମ୍ମିଳନୀ ପାଇଁ ବ୍ରିଟେନ ପ୍ରଧାନମନ୍ତ୍ରୀ ଋଷି ସୁନକ ଦିଲ୍ଲୀରେ ଥିବା ବେଳେ ଆଜି ସକାଳେ ଅକ୍ଷରଧାମ ମନ୍ଦିର ପରିଦର୍ଶନ କରିଛନ୍ତି । ସୁନକଙ୍କ ସହ ତାଙ୍କ ପତ୍ନୀ ଅକ୍ଷତା ମୂର୍ତ୍ତି ମଧ୍ୟ ମନ୍ଦିର ଯାଇଥିଲେ ।
ଋଷି ସୁନକ ଶନିବାର ଦିନ ନିଜର ଗସ୍ତ କାର୍ଯ୍ୟକ୍ରମ ନେଇ ସୂଚନା ଦେଇଥିଲେ । ନିଜର ହିନ୍ଦୁତ୍ୱକୁ ନେଇ ଗର୍ବ କରିବା ସହ ସୁନକ କହିଥିଲେ ଯେ, ସମ୍ମିଳନୀ ମଧ୍ୟରେ ଆମକୁ ଭାରତରେ ଥିବା ମନ୍ଦିର ପରିଦର୍ଶନ କରିବାର ସୌଭାଗ୍ୟ ମିଳିବ । ଋଷି ସୁନକ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କର ବେଶ୍ ପ୍ରଶଂସା କରିଥିଲେ । ପିଏମ ମୋଦିଙ୍କ ପାଇଁ ତାଙ୍କର ଅତ୍ୟଧିକ ସମ୍ମାନ ରହିଥିବା କହିଛନ୍ତି ଋଷି ସୁନକ ।
