ଭଦ୍ରକ/ଭୁବନେଶ୍ୱର, ଦିବଂଗତ ବିଧାୟକ ସ୍ୱର୍ଗତ ବିଷ୍ଣୁ ସେଠୀଙ୍କ ପ୍ରଥମ ଶ୍ରାଦ୍ଧବାର୍ଷିକୀ ଉପଲକ୍ଷେ ତାଙ୍କ ନିଜ ଜନ୍ମ ମାଟି ତିହିଡି଼ ମଙ୍ଗରାଜପୁରରେ ଏକ ବିଶାଳ ଅସ୍ଥି କଳସ ଶୋଭାଯାତ୍ରା ଅନୁଷ୍ଠିତ ହୋଇଛି । ବିଜେପି ରାଜ୍ୟ ସଭାପତି ମନମୋହନ ସାମଲଙ୍କ ସହ ହଜାର ହଜାର ସମର୍ଥକ ଏହି ଅସ୍ଥି ଶୋଭାଯାତ୍ରାରେ ସାମିଲ ହୋଇଛନ୍ତି । ଏହି ଶୋଭାଯାତ୍ରା ପୁରା ନିର୍ବାଚନ ମଣ୍ଡଳୀ ପରିକ୍ରମା କରିବା ପରେ ଶେଷରେ ବୈତରଣୀ ନଦୀର ସିଦ୍ଧେଶ୍ୱର ଘାଟ ନିକଟରେ ଅସ୍ଥି ବିସର୍ଜନ କରାଯିବ ।
