ବଲାଙ୍ଗିର, ଆଜି ପୂର୍ବାହ୍ନରେ ଚୋରା ଚାଲାଣ ବେଳେ ୨୧୦ କେଜି ଗଂଜେଇ ଜବତ କରିଛି ବଲାଙ୍ଗିର ଜିଲ୍ଲା ପୁଇଁତଲା ପୋଲିସ । ଏହି ମାମଲାରେ ୩ ଜଣ ଯୁବକଙ୍କୁ ମଧ୍ୟ ଗିରଫ୍ କରାଯାଇଥିବା ଜଣାପଡ଼ିଛି । ସୂଚନା ଅନୁସାରେ, ଗଂଜେଇ ଚୋରା ଚାଲାଣ ହେଉଥିବା ବିଶ୍ଵସ୍ତ ସୂତ୍ରରୁ ଖବର ପାଇ ପୁଇଁତଲା ପୋଲିସ ସାତ ମାଇଲ୍ ଛକରୁ ଏକ ବଲେରୋ ପିକ୍ଅପ୍ ଓ ମହିନ୍ଦ୍ରା ଏକ୍ସକ୍ୟୁଭି ଗାଡ଼ିକୁ ଫଲୋ କରିଥିଲା । ସଂପୃକ୍ତ ଦୁଇ ଗାଡ଼ିକୁ ଗିରିଗୋବର୍ଦ୍ଧନ ମନ୍ଦିର ସମ୍ମୁଖରେ ପୋଲିସ କାବୁ କରି ସେଥିରୁ ୨୧୦ କେଜି ଗଂଜେଇ ଜବତ୍ କରିବା ସହ ଦୁଇ ଗାଡ଼ିରୁ ୩ ଜଣ ଯୁବକଙ୍କୁ ଗିରଫ କରିଥିବା ଜଣାପଡ଼ିଛି । ଘଟଣାସ୍ଥଳରେ ଏସ୍ଡ଼ିପିଓ ତୋଫାନ୍ ବାଗଙ୍କ ସହ ଅନ୍ୟ ପୋଲିସ ଅଧିକାରୀ ଓ କର୍ମଚାରୀମାନେ ଉପସ୍ଥିତ ଥିଲେ।
