କୈଳାଶ ଚନ୍ଦ୍ର ପଣ୍ଡାଙ୍କ ରିପୋର୍ଟ,
ପୁରୀ,ଗୁରୁବାର ବିଳମ୍ବିତ ରାତ୍ରୀରେ ଆର୍ ଟି ଓ ରବିନ୍ ପଟ୍ଟନାୟକଙ୍କ ନେତୃତ୍ବରେ ବଡ଼ଦାଣ୍ଡରେ ଆଞ୍ଚଳିକ ପରିବହନ କାର୍ଯ୍ୟାଳୟ ପକ୍ଷରୁ ଅଛନାକ ଚଢ଼ାଉ କରାଯାଇଥିଲା।ଚଢ଼ାଉ ସମୟରେ ଜନୈକ ଯୁବକ ନିଶାସକ୍ତ ଅବସ୍ଥାରେ ଗାଡ଼ି ଚଳାଉଥିବା ଦେଖିବାକୁ ମିଳିଥିଲା।ଅଧିକାରୀମାନେ ଯୁବକଙ୍କୁ ଅଟକାଇ ଥିଲେ ମଧ୍ୟ ସେ ଜୋରରେ ଗାଡି ଚଳାଇ ଫେରାର ହୋଇଯାଇଥିଲେ।ତେବେ ଅଧିକାରୀମାନେ ଯୁବକଙ୍କ ପିଛାକରି ମାର୍କେଟ ଛକ ନିକଟରେ କାବୁ କରିଥିଲେ।ବ୍ରେଥ ଆନାଲାଇଜର ପରୀକ୍ଷାରେ ସଂପୃକ୍ତ ଯୁବକ ଅତ୍ୟଧିକ ମଦ୍ୟପାନ କରି ଗାଡ଼ି ଚଳାଉଥିବା ଜଣାପଡିଥିଲା।ଆର୍ ଟି ଓ ଶ୍ରୀପଟ୍ଟନାୟକ ସଂପୃକ୍ତ ଯୁବକଙ୍କୁ ୨୦ହଜାର ଟଙ୍କା ଜୋରିମାନା ଆଦାୟ କରିବା ସହ ହିରୋ ହୁଣ୍ଡା ଗାଡ଼ିକୁ ଟ୍ରାଫିକ ଥାନା ଜିମା ଦେଇଥିଲେ।ଏହି ଚଢ଼ାଉ ରେ ମୋଟର ଯାନ ନିରୀକ୍ଷକ ରାଜେଶ ମହାପାତ୍ର,ସହକାରୀ ନିରୀକ୍ଷକ ଅମିତ୍ ରଣା ଏବଂ ଟି ଆଇ ସୁଶାନ୍ତ ପାତ୍ର ପ୍ରମୁଖ ସାମିଲ ଥିଲେ।
