କୈଳାଶ ଚନ୍ଦ୍ର ପଣ୍ଡାଙ୍କ ରିପୋର୍ଟ,
ପୁରୀ,ବୁଧବାର ଅପରାହ୍ନରେ ପୁରୀ ଜଟିଆ ବାବାଜୀ ଛକ ନିକଟରେ ଘଟିଥିବା ଲଡ଼ୁ ନାୟକ ହତ୍ୟା ଘଟଣାରେ ୨ ଜଣକୁ କୁମ୍ଭାରପଡା ଥାନା ପୋଲିସ ଗିରଫ କରିଛି l ମୁଖ୍ୟ ଅଭିଯୁକ୍ତ ଲଡ଼ୁ ନାୟକଙ୍କ ସମ୍ପର୍କୀୟ ମାମୁ ଗଙ୍ଗା ନାୟକ ଓ ତାଙ୍କ ପୁଅ ସୁନ୍ଦନ ନାୟକକୁ ଗିରଫ କରିଛି ପୋଲିସ l ହତ୍ୟା ଘଟଣାରେ ୩ ଜଣ ଅଭିଯୁକ୍ତ ସମ୍ପୃକ୍ତ ରହିଛନ୍ତି l ୨ ଜଣକୁ ଗିରଫ କରିବାରେ ପୋଲିସ ସକ୍ଷମ ହୋଇଥିବା ବେଳେ ଅନ୍ୟ ଅଭିଯୁକ୍ତ ସଚିନ ନାୟକ ବର୍ତମାନ ଫେରାର ଥିବା ପୋଲିସ କହିଛି l ପୂର୍ବ ଶତ୍ରୁତାକୁ ନେଇ ଗତକାଲି ଲଡ଼ୁ ନାୟକ ଜଟିଆ ବାବାଜୀ ଛକ ନିକଟରେ ଏକ ଜଳଖିଆ ଦୋକାନରେ ବସିଥିବା ସମୟରେ ଲଡ଼ୁ ନାୟକର ସମ୍ପର୍କୀୟ ମାମୁଁ ମୁଖ୍ୟ ଅଭିଯୁକ୍ତ ଗଙ୍ଗା ନାୟକ ଏବଂ ତାଙ୍କ ଦୁଇ ପୁଅ ଲୁହା ରଡ଼ ଏବଂ ସଂଢ଼ୁଆସି ଦ୍ୱାରା ତାଙ୍କୁ ଆକ୍ରମଣ କରିଥିଲେ ଫଳରେ ଘଟଣା ସ୍ଥଳରେ ଟଳି ପଡ଼ିଥିଲେ ଲଡ଼ୁ ନାୟକ l ସେଠାରୁ ତାଙ୍କୁ ପୁରୀ ସଦରମୁଖ୍ୟ ଚିକିତ୍ସାଳୟ ନିଆଯାଥିଲା ଡାକ୍ତର ତାଙ୍କୁ ମୃତ ଘୋଷଣା କରିଥିଲେ l ପରିବାର ଲୋକଙ୍କ ଅଭିଯୋଗ କ୍ରମେ କୁମ୍ଭାରପଡା ଥାନା ପୋଲିସ ଘଟଣାର ତଦନ୍ତ କରି ଦୁଇ ଜଣକୁ ଗିରଫ କରି କୋର୍ଟ ଚାଲାଣ କରିଛି l ହତ୍ୟାରେ ବ୍ୟବହୃତ ଲୁହା ରଡ଼ ଏବଂ ସଂଢ଼ୁଆସି ଜବତ କରାଯାଇଛି l ଅନ୍ୟ ଅଭିଯୁକ୍ତ ସଚିନ ନାୟକକୁ ଧରିବା ଲାଗି ବିଭିନ୍ନ ସ୍ଥାନରେ ଚଢ଼ାଉ ଜାରି ରହିଥିବା ପୁରୀ ସିଟି ଡିଏସ୍ପି ସାମ୍ୱାଦିକ ସମିଳନୀରେ କହିଛନ୍ତିl
