ଭୁବନେଶ୍ୱର, ଭୁବନେଶ୍ୱର ଉତକେଲା ମଧ୍ୟରେ ବିମାନ ସେବା ଆରମ୍ଭ ହେବା ପରେ କେନ୍ଦ୍ର ମନ୍ତ୍ରୀ ଧର୍ମେନ୍ଦ୍ର ପ୍ରଧାନ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଓ କେନ୍ଦ୍ର ମନ୍ତ୍ରୀ ସିନ୍ଧିଆଙ୍କୁ ଧନ୍ୟବାଦ ଜଣାଇଛନ୍ତି ।
ସେ ଟ୍ୱିଟ କରି କହିଛନ୍ତି, ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ \’ପୂର୍ବୋଦୟ\’ କଳ୍ପନାକୁ ସାକାର କରିବା ଦିଗରେ ‘ଉଡାନ ଯୋଜନା’ରେ କଳାହାଣ୍ଡିର ଉତକେଲା ବିମାନବନ୍ଦରର ଉଦଘାଟନ ହେବା ସହ ଭୁବନେଶ୍ୱରରୁ ଉତକେଲାକୁ ପ୍ରଥମ ବିମାନ ଚଳାଚଳ ଆରମ୍ଭ ହୋଇଛି । ଏହି ବିମାନ ଚଳାଚଳ ଦ୍ୱାରା ସ୍ଥାନୀୟ ସ୍ତରରେ ଉତ୍ତମ ଯୋଗାଯୋଗ ସୁଦୃଢ଼ ହେବା ସହ ପର୍ଯ୍ୟଟନ ଓ ଅର୍ଥନୈତିକ କ୍ଷେତ୍ରରେ ନୂଆ ସମ୍ଭାବନା ସୃଷ୍ଟି କରିବ । କଳାହାଣ୍ଡିବାସୀଙ୍କ ଦୀର୍ଘ ଦିନର ସ୍ୱପ୍ନକୁ ସାକାର କରିଥିବାରୁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଏବଂ କେନ୍ଦ୍ର ବେସାମରିକ ବିମାନ ଚଳାଚଳ ମନ୍ତ୍ରୀ ଜ୍ୟୋତିରାଦିତ୍ୟ ସିନ୍ଧିଆଙ୍କୁ ଧନ୍ୟବାଦ ।
