ଧର୍ମଶାଳା,ଆସନ୍ତା କାଲି ଶୁକ୍ରବାର ଦିନ ୫ଟି ସଚିବ ଭି.କେ.ପାଣ୍ଡିଆନ ୨ୟ ଥର ପାଇଁ ଯାଜପୁର ଜିଲାକୁ ଆସୁଛନ୍ତି । ଏହି କ୍ରମରେ ଶୁକ୍ରବାର ଦିନ ସକାଳ ୯.୩୦ ମିନିଟ୍ ସମୟରେ ସେ ଯାଜପୁର ଜିଲା ବଡଚଣା ବ୍ଲକ ଚଣ୍ଡିଖୋଲସ୍ଥିତ ବାରୁଣାବନ୍ତ ପର୍ବତ ଶୋଭା ମହାବିନାୟକ ପଡିଆରେ ହେଲିକ୍ୟାପଟରରେ ଆସି ଓହ୍ଲାଇବାର କାର୍ଯ୍ୟକ୍ରମ ସ୍ଥିର ହୋଇଛି । ହେଲିପ୍ୟାଡରୁ ବାହାରି ସେ ମହାବିନାୟକ ପୀଠକୁ ଯାଇ ବାବାଙ୍କ ଦର୍ଶନ କରିବେ । ପରେ ସେ ଚଣ୍ଡିଖୋଲ ବାବା ଭୈରବାନନ୍ଦ ମହାବିଦ୍ୟାଳୟ ଓ ଆଦିବାସୀ ଆବାସିକ ବିଦ୍ୟାଳୟକୁ ଯିବେ । ଶେଷରେ ଜନସାଧାରଣଙ୍କ ଅଭିଯୋଗ ଶୁଣାଣି ପରେ ୧୦.୩୦ ମିନିଟ୍ ସମୟରେ ସେ ହେଲିକ୍ୟାପଟର ଯୋଗେ ବାହାରି ଧର୍ମଶାଳା ଅଭିମୁଖେ ଯିବେ । ଧର୍ମଶାଳାସ୍ଥିତ କଳ୍ପତରୁ ଦାସ ନେସନାଲ ଷ୍ଟାଡିୟମ ପରିସରରେ ଓହ୍ଲାଇ ମହୋତ୍ସବ ପଡିଆରେ ମହିଳା ଶକ୍ତିମାନଙ୍କୁ ଗୁରୁମନ୍ତ୍ର ଦେବା ସହ ଧର୍ମଶାଳା ମହାବିଦ୍ୟାଳୟ ପରିସର ବୁଲି ପରିଦର୍ଶନ କରି ଫେରି ଯିବାର କାର୍ଯ୍ୟକ୍ରମ ସ୍ଥିର ହୋଇଛି । ହଜାରହଜାର ସଂଖ୍ୟାରେ ମହିଳାମାନଙ୍କ ପାଇଁ ସଭା ସ୍ଥଳରେ ପଂହଚିବା ପାଇଁ ବ୍ୟ।।ପକ ବ୍ୟବସ୍ଥା କରାଯାଇଛି । ଏହି ଦୁଇଟି ସ୍ଥାନରେ ଜିଲା ପ୍ରଶାସନ ପକ୍ଷରୁ ସୁରକ୍ଷା ନିମନ୍ତେ ବ୍ୟାପକ ବ୍ୟବସ୍ଥା କରାଯାଇଥିବା ଜଣାପଡିଛି ।
