ବଲାଙ୍ଗୀର, ଆସନ୍ତା ୨୮ ଓ ୨୯ ତାରିଖ ଦୁଇଦିନ ଧରି ଝାରସୁଗୁଡା ବେଲପାହାଡ ସ୍ଥିତ ଜୁବୁଲି ହଲ ଠାରେ ଖେଳୋ ଇଣ୍ଡିଆ ରାଜ୍ୟ ମହିଳା ଉଷୁ ଲିଗ ପ୍ରତିଯୋଗିତା ଅନୁଷ୍ଠିତ ହେବ । ଏହି ପ୍ରତିଯୋଗିତାରେ ୨୫୦ ରୁ ୩୦୦ ଖେଳାଳୀ ଯୋଗ ଦେବେ । ପ୍ରତିଯୋଗିତାରେ ଯୋଗଦେବା ପାଇଁ ବଲାଙ୍ଗୀର ଜିଲ୍ଲାର ୧୪ ଜଣିଆ ମହିଳା ଉଷୁ ଦଳ ଚୟନ କରାଯାଇଛି ।
ଚୟନ ହୋଇଥିବା ଖେଳାଳୀମାନେ ହେଲେ ପ୍ରତିମା ନାଏକ, ସ୍ମୃତିରେଖା ଭୁଏ, ପ୍ରତିମା ପଟେଲ, ସୁହାନୀ ଗୁରହାଣ୍ଡି, ଅନାମିକା ଗୁରହାଣ୍ଡି, ବବି ଡାଙ୍ଗ, ସୁହାନା ବେହେରା, ପ୍ରତିମା ମେହେର, ରାଜଲକ୍ଷ୍ମୀ ମହାକୁର, ସୁହାନି ମେର୍ଲି, ବୈଷ୍ଣବୀ ମେହେର, ଅନୀତା ପାଣ୍ଡେ,ଆଦ୍ୟାଶା ସାହୁ ଓ ଦିଆ ସାଗର ପ୍ରମୁଖ। ଜିଲ୍ଲା ଉଷୁ ସଂଘର ସଭାପତି ତପନ ପାଣିଗ୍ରାହୀ ଓ ଉପ-ସଭାପତି ବାବୁଲାଲ ନାଏକ ଏହି ପ୍ରତିଯୋଗିମାନଙ୍କ ସଫଳତା କାମନା କରିଛନ୍ତି ।
