ଭୁବନେଶ୍ୱର – ପୂର୍ବତନ ବିଜେପି ସଂଗଠିକା ଶ୍ରୀମତୀ ସୁଭଦ୍ରା ମିଶ୍ର ଏବଂ ଅଶୋକ କୁମାର ସାହୁଙ୍କ ନେତୃତ୍ୱରେ ବହୁ ବିଜେପି କର୍ମୀ ଶନିବାର କଂଗ୍ରେସରେ ଯୋଗଦେଇଛନ୍ତି । ଏହି ଅବସରରେ କଂଗ୍ରେସ ଭବନ ଠାରେ ଆୟୋଜିତ ଏକ ମିଶ୍ରଣ ପର୍ବରେ ଓଡିଶା ପ୍ରଦେଶ କଂଗ୍ରେସ କମିଟି ସଭାପତି ଶ୍ରୀ ନିରଞ୍ଜନ ପଟ୍ଟନାୟକ ସମସ୍ତ ନେତୃବୃନ୍ଦ ଓ କର୍ମୀମାନଙ୍କୁ ସ୍ୱାଗତ ଜଣାଇଥିଲେ । ଆପଣମାନଙ୍କର ଯୋଗଦାନ କଂଗ୍ରେସ ଦଳକୁ ଅଧିକ ମଜବୁତ କରିବ ବୋଲି ଶ୍ରୀ ପଟ୍ଟନାୟକ କହିଥିଲେ ।
ଶ୍ରୀମତୀ ମିଶ୍ର, ଶ୍ରୀ ସାହୁ ଓ ଉର୍ମିଳା ମହାରଣା ନିଜ ପ୍ରତିକ୍ରିୟାରେ କହିଲେ ଯେ କଂଗ୍ରେସ ଦଳର ନୀତି, ଆଦର୍ଶରେ ଅନୁପ୍ରାଣିତ ହୋଇ ଅଧ୍ୟକ୍ଷା ଶ୍ରୀମତୀ ସୋନିଆ ଗାନ୍ଧି, ଶ୍ରୀ ରାହୁଲ ଗାନ୍ଧି ଏବଂ ପିସିସି ସଭାପତି ଶ୍ରୀ ନିରଞ୍ଜନ ପଟ୍ଟନାୟକଙ୍କ ଦୃଢ଼ ନେତୃତ୍ୱ ପ୍ରତି ଆସ୍ଥା ପ୍ରକଟ କରି କଂଗ୍ରେସ ଦଳରେ ଯୋଗ ଦାନ କରିଛନ୍ତି । ଦଳ ତାଙ୍କୁ ଯେଉଁ ଦାୟିତ୍ୱ ଦେବ ସେମାନେ ନିÂାର ସହ ପାଳନ କରିବେ । ଯୋଗଦାନ କରିଥିବା ଅନ୍ୟ ବିଜେପି କର୍ମମାନେ ହେଲେ ସର୍ବଶ୍ରୀ ଦୀପକ କୁମାର ମିଶ୍ର, ହେମ ରାଓ, ମାନସୀ ସ୍ୱାଇଁ, ସ୍ୱାଗତିକା ନାୟକ, ପ୍ରୀତି ପାଣି, ଗୀତାଞ୍ଜଳି ପଣ୍ଡା ଓ ପ୍ରତିମା ସ୍ୱାଇଁ ପ୍ରମୁଖ ।
ଏହି ମିଶ୍ରଣ ପର୍ବ କାର୍ଯ୍ୟକ୍ରମରେ ବିଧାୟକ ସୁରେଶ କୁମାର ରାଉତରାୟ, ଆର୍ଯ୍ୟ କୁମାର ଜ୍ଞାନେନ୍ଦ୍ର, ବିଶ୍ୱଜିତ୍ ଦାସ, ରଶ୍ମି ମହାପାତ୍ର, ବନ୍ଦିତା ପରିଡା, ରଜନୀ କୁମାର ମହାନ୍ତି , ନିର୍ମଳା ମଲ୍ଲିକ ପ୍ରମୁଖ ଉପସ୍ଥିତ ଥିଲେ ।
