ଜୟପୁର, ବୋରିଗୁମ୍ମା ବ୍ଲକ ରଣସପୁର ଗ୍ରାମରୁ ଉଦ୍ଧାର ହେଲା ୧୨ ଫୁଟ ଲମ୍ବର ଅଜଗର ସାପ। ସାପଟି ଗ୍ରାମର ଶଶି ତନ୍ତୀଙ୍କ ଘରୁ ଉଦ୍ଧାର ହୋଇଥିବା ସୂଚନା ମିଳିଛି। ସାପଟି ଆଜି ସକାଳୁ ବାହାରୁ ଘରେ ପଶିବା କିଛି ଲୋକ ଦେଖିଥିଲେ। ପରେ ପରିବାର ଲୋକେ ଭୟଭୀତ ହୋଇଥିଲେ। ଶେଷରେ ସ୍ନେକ ହେଲ୍ପଲାଇନ ସାହାଯ୍ୟରେ ଘରୁ ସାପଟିକୁ ଉଦ୍ଧାର କରାଯାଇଥିଲା। ୧୨ ଫୁଟ ଲମ୍ବର ଏହି ସାପଟିକୁ ଦେଖିବା ପାଇଁ ସେଠାରେ ଲୋକଙ୍କ ଭିଡ଼ ବି ଜମିଥିଲା। ଉଦ୍ଧାର ସାପଟିକୁ ବନ ବିଭାଗକୁ ହସ୍ତାନ୍ତର କରାଯାଇଥିବା ଜଣାପଡିଛି। ସାପଟି ଖାଦ୍ୟ ଅନ୍ଵେଷଣରେ ଘର ମୁହାଁ ହୋଇଥିବା ଅନୁମାନ କରାଯାଉଛି।
