ପ୍ରମୁଖ ସ୍ମାର୍ଟଫୋନ ବ୍ରାଣ୍ଡ ସାଓମି ପକ୍ଷରୁ ସ୍ଵାଧୀନତା ଦିବସ ଅବସରରେ ବାଲେଶ୍ଵର ରେମୁଣା ଠାରେ ଏକ ନୂତନ ମି ଷ୍ଟୋର ଶୁଭାରମ୍ଭ କରାଯାଇଛି। କମ୍ପାନି ପକ୍ଷରୁ ଷ୍ଟେଟ ହେଡ ଅଜୟ ଦଳବେହେରା, ମି ଷ୍ଟୋର ସ୍ଵତ୍ତ୍ୱାଧିକାରୀ ସାର୍ଥକ ବେହେରା ପ୍ରମୁଖ ଉପସ୍ଥିତ ରହି ଷ୍ଟୋରଟିକୁ ଶୁଭାରମ୍ଭ କରିଥିଲେ।
ବର୍ତ୍ତମାନ ଏହା ବାଲେଶ୍ଵରରେ କମ୍ପାନିର ଦ୍ଵିତୀୟ ମି ଷ୍ଟୋର। ଗ୍ରାହକଙ୍କୁ ସର୍ବୋତ୍ତମ ସେବା ଯୋଗାଣ ଲକ୍ଷ୍ୟରେ ଏଭଳି ଷ୍ଟୋର ଶୁଭାରମ୍ଭ କରାଯାଇଛି ବୋଲି ଷ୍ଟେଟ ହେଡ ଶ୍ରୀ ଦଳବେହେରା କହିଛନ୍ତି। ଏଠାରେ ଗ୍ରାହକଙ୍କ ଚାହିଦାକୁ ଆଧାର କରି କମ୍ପାନିର ବିଭିନ୍ନ ବର୍ଗର ଟେକ୍ନୋଲୋଜି ଉତ୍ପାଦ ପ୍ରଦର୍ଶନ ସହ ବିକ୍ରି ସୁବିଧା ମିଳିବ।
ଗ୍ରାହକମାନେ ଗୋଟିଏ ସ୍ଥାନରେ କମ୍ପାନିର ସ୍ମାର୍ଟଫୋନ, ଲ୍ୟାପଟପ୍, ଟ୍ୟାବଲେଟ୍, ସ୍ମାର୍ଟ ୱାଚ, ସ୍ମାର୍ଟ ବ୍ୟାଣ୍ଡ, ସ୍ମାର୍ଟ ଟିଭି, ପାୱାରବ୍ୟାଙ୍କ, ଇୟରବଡ୍ସ ସହ ଅନ୍ୟ ପ୍ରମୁଖ ଉତ୍ପାଦ କ୍ରୟ କରିପାରିବେ। ନୂତନ ଷ୍ଟୋର ଶୁଭାରମ୍ଭ ଅବସରରେ ଏଠାରେ ସ୍ଵତନ୍ତ୍ର ଅଫର୍ ଉପଲବ୍ଧ ହେବ। ପ୍ରଥମ ୨୫ ଜଣ ଗ୍ରାହକଙ୍କୁ ସ୍ବତନ୍ତ୍ର ପୁରସ୍କାର ପ୍ରଦାନ କରାଯିବ ବୋଲି ଷ୍ଟୋର ସ୍ଵତ୍ତ୍ୱାଧିକାରୀ ସାର୍ଥକ ବେହେରା ସୂଚନା ଦେଇଛନ୍ତି।
