ଚମ୍ପୁଆ,ଆଜି ମାନବ ପ୍ରେମୀ ସେବା ଟ୍ରଷ୍ଟ, ଚମକପୁର ଏବଂ ସ୍ମାଇଲ୍ ଟ୍ରଷ୍ଟ, କେନ୍ଦୁଝରଙ୍କ ମିଳିତ ସହଯୋଗରେ ହାପି ହୋମ୍ ସେବାଶ୍ରମ, ରାମଲା (ଚମ୍ପୁଆ) ଠାରେ “୭୭ ତମ ସ୍ବାଧିନତା ଦିବସ” ଅତି ନିରାଡ଼ମ୍ବର ଭାବେ ପାଳିତ ହୋଇଯାଇଛି । ଏହି ଅବସରରେ ଚମ୍ପୁଆ ପ୍ରେସ୍ କ୍ଲବ୍ ର ବରିଷ୍ଠ ସାମ୍ବାଦିକ ରଞ୍ଜନ କୁମାର ପ୍ରଧାନ ମୂଖ୍ୟ ଅତିଥି ଭାବେ ଯୋଗଦେଇ ଜାତୀୟ ପତାକା ଉତ୍ତୋଳନ କରିବା ସହ ସ୍ଵାଧୀନତା ସଂଗ୍ରାମୀ ମାନଙ୍କ ଅମର ଗାଥା ବର୍ଣ୍ଣନା କରିଥିଲେ ଏଥିରେ ତାଙ୍କୁ ମାନବ ପ୍ରେମୀ ସେବା ଟ୍ରଷ୍ଟ ର ଆଇନ ପରାମର୍ଶଦାତା ତଥା ଆଇନଜୀବୀ ସଞ୍ଜୟ କୁମାର ମହାନ୍ତ ସହଯୋଗ କରିଥିଲେ । ତତପତ୍ସାତ ସେଠାରେ ଉପସ୍ଥିତ ଥିବା ଛାତ୍ରଛାତ୍ରୀମାନଙ୍କୁ ମିଷ୍ଟାନ୍ନ ବଣ୍ଟନ କରାଯାଇଥିଲା । ପରବର୍ତ୍ତୀ ସମୟରେ ସେଠାରେ ରହୁଥିବା ଅନ୍ତେବାସୀମାନଙ୍କୁ ନୂତନ ବସ୍ତ୍ର ପ୍ରଦାନ କରାଯିବା ସଙ୍ଗେସଙ୍ଗେ ମଧ୍ୟାହ୍ନ ଭୋଜନର ସୁ-ବ୍ୟବସ୍ଥା ମଧ୍ୟ କରାଯାଇଥିଲା । ଏହି ମହତ୍ତ୍ୱପୂର୍ଣ୍ଣ କାର୍ଯ୍ୟକ୍ରମକୁ ସଫଳତା ପୂର୍ବକ ଆୟୋଜନ କରିବା ଦିଗରେ ସେବାଶ୍ରମ ମୂଖ୍ୟ ସିତାରା ବେଗମଙ୍କର ଅତୁଳନୀୟ ଅବଦାନ ରହିଥିବା ବେଳେ ସ୍ମାଇଲ ଟ୍ରଷ୍ଟ ର ସଭାପତି ନାରାୟଣ ପ୍ରସାଦ ଦାସ, ଉଦିତ ନାରାୟଣ ଗିରି, ଗୁରୁଦେବ ପାଣିଗ୍ରାହୀ ତଥା ମାନବ ପ୍ରେମୀ ସେବା ଟ୍ରଷ୍ଟ ର ସଭାପତି ବିଚିତ୍ରାନନ୍ଦ ଦାସ, ଅମ୍ବିକା ନାଏକଙ୍କ ସହିତ ଅନ୍ୟାନ୍ୟ ସଦସ୍ୟ ସଦସ୍ୟା ମାନେ ଉପସ୍ଥିତ ରହିଥିଲେ । ଆଗାମୀ ଦିନମାନଙ୍କରେ ମଧ୍ୟ ଅସହାୟର ଓଠରେ ହସ ଫୁଟାଇବାର ନିରନ୍ତର ପ୍ରୟାସ ଏମିତି ଜାରି ରହିବ ବୋଲି ଉପସ୍ଥିତ ରହିଥିବା ସଦସ୍ୟ ସଦସ୍ୟା ମାନେ ମତ ଦେଇଥିବାର ସୂଚନା ମିଳିଛି ।
