ପୁରୀ ,ପୁରୀ ଜିଲ୍ଲା ସ୍ତରୀୟ ୭୭ ତମ ସ୍ୱାଧୀନତା ଦିବସ ଅବସରରେ ତାଳବଣିଆସ୍ଥିତ ସ୍ପୋ୍ର୍ଟ୍ସ ପଡିଆ ଠାରେ ଏକ ପ୍ରଦର୍ଶନୀ ଫୁଟବଲ ମ୍ୟାଚ ଅନୁଷ୍ଠିତ ହୋଇଥିଲା।ପ୍ରଶାସନ ଏକାଦଶ ଓ ଗଣମାଧ୍ୟମ ଏକାଦଶ ମଧ୍ୟରେ ଅନୁଷ୍ଠିତ ଏହି ମ୍ୟାଚ ରେ ୪-୦ ଗୋଲରେ ପ୍ରଶାସନ ଏକାଦଶ ବିଜୟୀ ହୋଇଥିଲା।ପ୍ରଶାସନ ଏକାଦଶ ପକ୍ଷରୁ କେଶବ ରାଓ ୩ ଟି ଗୋଲ ସ୍କୋର କରିଥିବା ବେଳେ ଆଶିଷ କୁମାର ପାତ୍ର ଗୋଟିଏ ଗୋଲ ସ୍କୋର କରିଥିଲେ।ଶ୍ରେଷ୍ଠ ପ୍ରଦର୍ଶନ ପାଇଁ ପ୍ରଶାସନ ଏକାଦଶ ର କେଶବ ରାଓ ଓ ଗଣମାଧ୍ୟମ ଦଳର ଅକ୍ଷୟ କୁମାର ମିଶ୍ର ଙ୍କୁ ସମ୍ବର୍ଦ୍ଧିତ କରାଯାଇଥିଲା। ଅତିରିକ୍ତ ଜିଲ୍ଲାପାଳ ରାଜସ୍ୱ କୈଳାସ ଚନ୍ଦ୍ର ନାୟକ ଉଭୟ ଦଳ ଓ ଶ୍ରେଷ୍ଠ ଖେଳାଳି ଙ୍କୁ ଟ୍ରଫି ପ୍ରଦାନ କରି ପୁରସ୍କୃତ କରିଥିଲେ।କାର୍ଯ୍ୟକ୍ରମ ରେ ଜିଲ୍ଲା ସୂଚନା ଓ ଲୋକ ସମ୍ପର୍କ ଅଧିକାରୀ ସନ୍ତୋଷ କୁମାର ସେଠୀ, ଜିଲ୍ଲା କ୍ରିଡା ଅଧିକାରୀ ଚନ୍ଦନ କୁମାର ସାହୁ ପ୍ରମୁଖ ଉପସ୍ଥିତ ଥିଲେ।
