କୈଳାଶ ଚନ୍ଦ୍ର ପଣ୍ଡାଙ୍କ ରିପୋର୍ଟ,
ପୁରୀର ଅଗ୍ରଣୀ ସମାଜସେବୀ ଅନୁଷ୍ଠାନ ଉର୍ଜାବାନ ଓଡ଼ିଶାର ଦ୍ଵିତୀୟ ସ୍ଵନକ୍ଷତ୍ର ଉତ୍ସବ ମହା ଆଡ଼ମ୍ବରର ସହ ଚକ୍ରତୀର୍ଥ ରୋଡ ସ୍ଥିତ ସଂସ୍କୃତି ଭବନ ପରିସରରେ ଅନୁଷ୍ଠିତ ହୋଇଯାଇଛି ।ଏହି କାର୍ଯ୍ୟକ୍ରମ କୁ ଓଡ଼ିଆ ଭାଷା ଓ ସାହିତ୍ୟ ସଂସ୍କୃତି ବିଭାଗ ମନ୍ତ୍ରୀ ଶ୍ରୀ ଅଶ୍ୱିନୀ ପାତ୍ର,ସମ୍ମାନିତ ଅତିଥି ଭାବେ ଆଇନ ମନ୍ତ୍ରୀ ଜଗନ୍ନାଥ ସାରକା,ଉପ ଜିଲ୍ଲାପାଳ ଭବତାରଣ ସାହୁ,ଯୁବ ସମାଜସେବୀ ଷ୍ଟାଲିନ ପରିଜା,ଉପଦେଷ୍ଟା ପୁଷ୍ପଯିତ୍ ମହାପାତ୍ର,ଶିଶୁ ସୁରକ୍ଷା ଅଧିକାରୀ ମନୋଜ ତ୍ରିପାଠୀ,ମହାପ୍ରଭୁ ଙ୍କ ବରିଷ୍ଠ ସେବାୟତ ଭଗବାନ ସୁଆର,ଗୌରୀ ଶଙ୍କର ସିଂହାରୀ ପ୍ରମୁଖ ଯୋଗଦାନ କରି ମହାପ୍ରଭୁ ଙ୍କ ନିକଟରେ ପ୍ରଦୀପ ପ୍ରଜ୍ଵଳନ ପୂର୍ବକ କାର୍ଯ୍ୟକ୍ରମକୁ ଶୁଭ ଉଦ୍ଘାଟନ କରିଥିଲେ ।କାର୍ଯ୍ୟକ୍ରମର ପ୍ରାରମ୍ଭରେ ଅନୁଷ୍ଠାନର ସଭାପତି ସନ୍ତୋଷ କୁମାର ସେନାପତି ଅତିଥି ମାନଙ୍କର ପରିଚୟ ପ୍ରଦାନ କରିଥିଲେ।ଉର୍ଜାବାନର ପ୍ରତ୍ୟେକ କାର୍ଯ୍ୟ ଉଚ୍ଚ କୋଟିର,ଗରୀବର ପେଟକୁ ବୁଝି ଗରୀବର ମୁହଁରେ ହସ ଫୁଟାଇବା ରେ ଉର୍ଜାବାନ୍ ଓଡ଼ିଶା ସବୁବେଳେ ଶତ ଚେଷ୍ଟିତ ହୋଇ ରହିଛି ବୋଲି ଅତିଥି ମାନେ ନିଜ ନିଜର ଅଭିଭାଷଣରେ ମତବ୍ୟକ୍ତ କରିଥିଲେ ।ଏହାପରେ ଉର୍ଜବାନ୍ ଓଡ଼ିଶାର ପ୍ରତ୍ୟେକ କାର୍ଯ୍ୟକୁ ସମସ୍ତଙ୍କ ନିକଟରେ ପହଞ୍ଚାଇବା ନିମନ୍ତେ ଯେଉଁ ଗଣମାଧ୍ୟମ ବନ୍ଧୁ ମାନେ ସର୍ବଦା ଆଗରେ ରହିଥାନ୍ତି ଏବଂ ବିଭିନ୍ନ ସ୍ବେଛାସେବୀ ଅନୁଷ୍ଠାନ ମାନଙ୍କୁ ଅତିଥି ମାନଙ୍କ ଦ୍ଵାରା ପୁରସ୍କୃତ କରାଯାଇଥିଲା ।ଏହାପରେ ବିଭିନ୍ନ ସାଂସ୍କୃତିକ କାର୍ଯ୍ୟକ୍ରମ କରାଯାଇଥିଲା ।ଶେଷରେ ଅନୁଷ୍ଠାନର ସମ୍ପାଦିକା ନୀହାରିକା ତ୍ରିପାଠୀ ସମସ୍ତଙ୍କୁ ଧନ୍ୟବାଦ୍ ଅର୍ପଣ କରିଥିଲେ ।
