ବଲାଙ୍ଗିର – ଏଡସ ନିରାକରଣ ସଚେତନତା ପାଇଁ ଜିଲ୍ଲା ସ୍ଵାସ୍ଥ୍ୟ ସମିତି ତରଫରୁ ମାରାଥନ ଦୌଡ ପ୍ରତିଯୋଗୀତା ରାଜେନ୍ଦ୍ର କଲେଜ ଗାନ୍ଧୀ ଷ୍ଟାଡିୟମ ଠାରେ ଅନୁଷ୍ଠିତ ହୋଇଛି । ଏହାର ମୁଖ୍ୟ ଉଦ୍ଦେଶ୍ୟ ଏହି କାର୍ଯ୍ୟକ୍ରମ ମାଧ୍ୟମରେ ଯୁବ ପିଢିଙ୍କୁ ଏଚଆଇଭି ଏଡସ ଉପରେ ସଚେତନତା କରିବା ସହିତ ସାଧାରଣ ଲୋକଙ୍କୁ ମଧ୍ୟ ସଚେତନ କରେଇବା । ସକାଳ ୬ଟା ୩୦ ମିନିଟ ସମୟରେ ଜିଲ୍ଲାପାଳ ତଥା ଜିଲ୍ଲା ମାଜିଷ୍ଟ୍ରେଟ ଚଞ୍ଚଲ ରାଣା ଏବଂ ଆରକ୍ଷୀ ଅଧିକ୍ଷକ ପତାକା ଦେଖାଇ ପ୍ରତିଯୋଗୀତାକୁ ଉଦଘାଟନ କରିଥିଲେ । ଶ୍ରେଷ୍ଠ ବିବେଚିତ ୧୦ ଜଣ ଛାତ୍ରଛାତ୍ରୀ ରାଜ୍ୟସ୍ତରୀୟ ମାରାଥନ ଦୌଡ ପ୍ରତିଯୋଗୀତାରେ ଭାଗ ନେବେ । ସେମାନଙ୍କୁ ମାନପତ୍ର ସହ ପୁରସ୍କାର ମଧ୍ୟ ଦିଆଯାଇଥିଲା ।
ଏହି କାର୍ଯ୍ୟକମ ଡିପିଏମ ରାଜେନ୍ଦ୍ର ମହାରଣା ପରିଚାଳନା କରିଥିଲେ । ମୁଖ୍ୟ ଜିଲ୍ଲା ଚିକିଶ୍ଚାଧୀକାରୀ ପ୍ରଦୀପ କୁମାର ଗୁରୁ, ଜିଲ୍ଲା କ୍ରିଡାଧିକାରୀ ପରସର ବାଗ, ରେଡକ୍ରସ ସଂଯୋଜକ ଦୈତାରୀ ପୂଜାରୀ, ଜିଲ୍ଲା ସୂଚନା ଓ ଲୋକ ସମ୍ପର୍କ ଅଧିକାରୀ ସରୋଜ କୁମାର ସାହୁ, ଅନ୍ତରଯାମୀ ବିଶ୍ଵାଳ ପ୍ରମୁଖ ସାମିଲ ଥିଲେ ।
