ଜୟପୁର,- କୋଲାବନଗର ଦେବିଘାଟ ପଂଚାୟତର ଲାଉରିଗୁଡା ଗ୍ରାମ ନିକଟସ୍ଥ ଜଙ୍ଗଲରୁ ଆଜି ଜଣେ ଯୁବକର ଶବ ଉଦ୍ଧାର ହୋଇଛି । ମୃତ ଯୁବକର ନାମ କମଳଲୋଚନ ମାଝୀ (୩୦) । ଜୟପୁର ସଦର ଥାନା ଅନ୍ତର୍ଗତ ସାନ ଜିଉନା ନିକଟସ୍ଥ କୁସୁପୁରି ଗ୍ରାମରେ ଯୁବକର ଘର । ଲାଉରିଗୁଡା ଗ୍ରାମର ମନୁ ମୁଦୁଲି କ୍ଷେତକୁ ଯାଉଥିବା ବାଟରେ ଜଙ୍ଗଲ ନିକଟରେ ଯୁବକର ଶବ ପଡିଥିବା ଦେଖି ସରପଂଚ ଉଦ୍ଧବ ବଡ ନାୟକଙ୍କୁ ଖବର ଦେଇଥିଲେ । ଖବର ପାଇ କୋଲାବ ଫାଣ୍ଡି ଅଧିକାରି ଅର୍ଜୁନ ବାଙ୍କା ସଦଳବଳେ ଘଟଣାସ୍ଥଳରେ ପହଂଚି ତଦନ୍ତ କରି ଶବକୁ ଜବତ କରିଥିଲେ । ସାଇଂଟିଫିକ ଟିମ୍ ତଦନ୍ତ କରି ଫେରି ଥିବା ବେଳେ ମୃତ ଯୁବକର ଦେହରେ କିଛି କ୍ଷତ ବିକ୍ଷତ ଚିହ୍ନ ନଥିବା ଜଣାଯାଇଛି । ଏନେଇ ଫାଣ୍ଡି ପୋଲିସ ୧୩/୧୯ ରେ ଏକ ଅପମୃତ୍ୟୁ ମାମଲା ରୁଜ୍ଜୁ କରି ତଦନ୍ତ ଚଳାଇଛି । ଯୁବକ ଜଣକ ଗତ ୯ ତାରିଖରୁ ନିଖୋଜ ଥିବା ବେଳେ ଏନେଇ ପରିବାର ଲୋକେ ଗତ ୧୫ ତାରିଖରେ ସଦର ଥାନାରେ ନିଖୋଜ ଥିବା ନେଇ ଅଭିଯୋଗ କରିଥିଲେ ।
