ପୁରୀ, ଆସନ୍ତାକାଲି ଶ୍ରୀମନ୍ଦିରରେ ଶ୍ରୀଜୀଉଙ୍କ ବନକଲାଗି ନୀତି ଅନୁଷ୍ଠିତ ହେବ । ଦ୍ଵିତୀୟ ଭୋଗମଣ୍ଡପ ପରେ ଏହି ନୀତି ଅନୁଷ୍ଠିତ ହେବ । ଶ୍ରୀମନ୍ଦିର ପ୍ରଶାସନ ସୂତ୍ରରୁ ଏହି ସୂଚନା ମିଳିଛି । ବନକଲାଗି ନୀତି ବୁଧବାର ହେବ କି ଗୁରୁବାର ହେବ ତାକୁ ନେଇ ଦତ ମହାପାତ୍ର ନିଯୋଗ ଓ ଶ୍ରୀମନ୍ଦିର ପ୍ରଶାସନ ମଧ୍ୟରେ ବିବାଦ ଲାଗି ରହିଥିଲା । ଶେଷରେ ଶ୍ରୀମନ୍ଦିର ପ୍ରଶାସନ, ପରିଚାଳନା କମିଟି, ନୀତି ସବ୍ କମିଟିର ବୈଠକ ପରେ ଦତ ମହାପାତ୍ର ନିଯୋଗ ବୁଧବାର ବନକଲାଗି ନୀତି ସମାପନ କରିବା ପାଇଁ ରାଜି ହୋଇଥିଲେ । ଆସନ୍ତାକାଲି ବୁଧବାର ଏହି ନୀତି ଅନୁଷ୍ଠିତ ହେବ ବୋଲି ପ୍ରଶାସନର ନିଷ୍ପତିକୁ ନିଯୋଗ ମାନି ନେଇଥିଲା ।
ଏଠାରେ ଉଲ୍ଲେଖଯୋଗ୍ୟ, ନିଳାଦ୍ରୀ ବିଜେ ପରଠାରୁ ମହାପ୍ରଭୁଙ୍କ ବନକଲାଗି ନୀତି ହୋଇପାରିନଥିଲା । ତେବେ ଆସନ୍ତାକାଲି ଶ୍ରୀଜୀଉଙ୍କ ବନକଲାଗି ନୀତି ହେବ ବୋଲି ଜଣାପଡିବା ପରେ ଭକ୍ତ ମାନେ ଖୁସିବ୍ୟକ୍ତ କରିଛନ୍ତି ।
