-
ସୁଶ୍ରୀ ରାମେଶ୍ଵରୀ ହିକକାଙ୍କୁ ସମ୍ମାନିତ।
ଜୟପୁର , କୋରାପୁଟ ଜିଲ୍ଲା ଜୟପୁର ଠାରେ ଆଜି ଜୟପୁର ସ୍ଥିତ ଟାଉନ ହୋଲ୍ ଠାରେ ଜୟପୁର ୫ ନମ୍ବର ୱାର୍ଡ ତଥା ବ୍ଲକ କୋଲନୀର ବାସିନ୍ଦା ଏଚ୍ ଉମା ମହେଶ୍ଵରୀଙ୍କ ଝିଅ ରାମେଶ୍ଵରୀ ହିକକା ଚଳିତ ବର୍ଷ ଓପିଏସସି ପରୀକ୍ଷାରେ ଉତ୍ତୀର୍ଣ୍ଣ ହୋଇଥିବାରୁ ଆଜି ଓଡ଼ିଶା ମହାଦଳିତ ପରିସଂଘ ତରଫରୁ ତାଙ୍କୁ ସମ୍ବର୍ଦ୍ଧନା ଦିଆଯାଇଛି। ସୁଶ୍ରୀ ରାମେଶ୍ଵରୀ ହିକକାଙ୍କ ପିତା ହିକକା ରାମ ନାୟକ ପିଇଓ ଭାବେ କାର୍ଯ୍ୟ କରୁଥିବା ବେଳେ ୨୦୧୨ ମସିହାରେ ତାଙ୍କ ମୃତ୍ୟୁ ହୋଇଥିଲା।ପରେ ମାଆ ଏଚ୍ ଉମା ମହେଶ୍ଵରୀ ସରକାରୀ ପିଅନ୍ ଭାବେ ନିଯୁକ୍ତି ପାଇଥିଲେ। ରାମେଶ୍ଵରୀ ନବୋଦୟରେ ପାଠ ପଢିଥିବା ବେଳେ ୩ କଳା ଜୟପୁର ବିକ୍ରମ ଦେବ କଲେଜରେ ଅଧ୍ୟୟନ କରିଥିଲେ। ଏବଂ ଉତ୍କଳ ୟୁନିଭରସିଟିରେ ସେ ପିଜି ଇଂରାଜୀରେ କରିଥିବା ସେ ସୂଚନା ଦେଇଛନ୍ତି। ଆଜି ଓଡ଼ିଶା ମହାଦଳିତ ପରିସଂଘର ସଭାପତି ବୃନ୍ଦାବନ ଖରା, କୋରାପୁଟ ଜିଲ୍ଲା ମହାଦଳିତ ପରିସଂଘର ସଭାପତି ରାଜିବ ଟାକ୍ରୀ, ରାଜ୍ୟ ମହାଦଳିତ ପରିସଂଘ ମହିଳା ମୋର୍ଚ୍ଚାର ଆବାହକ ମନସ୍ମିନୀ ଟାକ୍ରୀ ପ୍ରମୁଖ ଉପସ୍ଥିତ ରହି ଓଏଏସ୍ ସୁଶ୍ରୀ ରାମେଶ୍ଵରୀ ହିକକାଙ୍କୁ ସମ୍ମାନିତ କରିଥିଲେ। ଜୟପୁର ସହରର ଝିଅ ରାମେଶ୍ଵରୀ ହିକକା ଓଏଏସ୍ ପରୀକ୍ଷାରେ ଉତ୍ତୀର୍ଣ୍ଣ ହୋଇଥିବାରୁ ଜୟପୁର ସହରରେ ଏକ ପ୍ରକାର ଖୁସିର ଲହରୀ ଖେଳିଯାଇଥିବା ବେଳେ ଓଏଏସ୍ ସୁଶ୍ରୀ ରାମେଶ୍ଵରୀ ହିକକାଙ୍କୁ ସମ୍ମାନିତ କରାଯାଇ ଓଡ଼ିଶା ମହାଦଳିତ ପରିସଂଘ ଗୈାରବ ମନେ କରୁଛି ବୋଲି ଓଡ଼ିଶା ମହାଦଳିତ ପରିସଂଘର ସଭାପତି ବୃନ୍ଦାବନ ଖରା କହିଛନ୍ତି।
