ବଲାଙ୍ଗିର,ସ୍ଥାନୀୟ ଟାଉନ ବାଳିକା ଉଚ୍ଚ ବିଦ୍ୟାଳୟ, ବଲାଙ୍ଗିର ଠାରେ ଗତକାଲି ପ୍ରଧାନ ଶିକ୍ଷକ ନରେନ୍ଦ୍ର ନାଥ ମିଶ୍ରଙ୍କ ସଭାପତିତ୍ଵରେ କ୍ରୀଡା ଶିକ୍ଷୟତ୍ରୀ କସ୍ତୁରୀ ରଥଙ୍କର ଅବସରକାଳିନ ବିଦାୟ ସମ୍ବର୍ଦ୍ଧନା ସଭା ଅନୁଷ୍ଠିତ ହୋଇଯାଇଛି । ଶ୍ରୀମତୀ ରଥ ଦିର୍ଘ ଅଠତିରିଶ ବର୍ଷ ଶିକ୍ଷକତା କରିଛନ୍ତି । ସଭାରେ ପ୍ରଧାନ ଶିକ୍ଷକଙ୍କ ସମେତ ଛାତ୍ରୀ ତଥା ଶିକ୍ଷକ ଶିକ୍ଷୟତ୍ରୀମାନେ ଶ୍ରୀମତୀ ରଥଙ୍କର କ୍ରିୟାକଳାପ ଏବଂ ବ୍ୟକ୍ତିତ୍ଵ ଉପରେ ଆଲୋକପାତ କରିଥିଲେ । ଛାତ୍ରୀ ରତ୍ନା ରଣାଙ୍କ କବିତାରେ ସମସ୍ତେ ଆତ୍ମ ବିଭୋର ହୋଇ ପଡିଥିଲେ ।
ବରିଷ୍ଠ ଶିକ୍ଷୟତ୍ରୀ ଅରୁନ୍ଧତି ବଢେଇ ମାନପତ୍ର ପାଠ କରିଥିବା ବେଳେ କୃଷ୍ଣଚନ୍ଦ୍ର ବାଗ, ବନ୍ଦିତା ତରିଆ, ଝୁନିତା ଭୋଇ, ବନ୍ଦିତା ବେହେରା, ନନ୍ଦିନି ସାହୁ, ରଶ୍ମିତା ସେଠ, ସସ୍ମିତା ମିଶ୍ର, ସୁନୀତା ପାଣିଗ୍ରାହୀ, ସୁଚିତ୍ରା ବସ୍ତିଆ, ଦମୟନ୍ତି ଚନ୍ଦନ, ଯାଦବ ଜାଲ, ତାଉଳ କୁମାର ନନ୍ଦ ପ୍ରମୁଖ ସମସ୍ତ ଶିକ୍ଷକ ଶିକ୍ଷୟତ୍ରୀ ଓ କର୍ମକର୍ତ୍ତା ଯୋଗ ଦେଇଥିଲେ । ଶେଷରେ ଶିକ୍ଷକ ସତ୍ୟାନନ୍ଦ ବିଶ୍ଵାଳ ଧନ୍ୟବାଦ ଅର୍ପଣ କରିଥିଲେ ।
