ଜଗତ୍ସିଂହପୁର ନୂତନ ଥାନା ଅଧିକାରୀ ଭାବେ ଗୋକୁଳ ରଞ୍ଜନ ଦାସ ଦାୟିତ୍ୱ ଗ୍ରହଣ କରିଛନ୍ତି | ପୂର୍ବରୁ ସେ ପୁରୀ ସହରର ସିଂହଦ୍ୱାର ଥାନା,ବାସେଳୀ ସାହି ଥାନା, ଟ୍ରାଫିକ ଥାନା ଏବଂ ଟାଉନ ଥାନାରେ ଦୀର୍ଘ ୭ ବର୍ଷ କାଳ ନିଷ୍ଠାର ସହ ଦାୟିତ୍ଵ ନିର୍ବାହ କରିଥିଲେ।ଗୁରୁବାର ଦିନ କାର୍ଯ୍ୟରେ ଯୋଗଦେବା ପରେ ଶ୍ରୀଦାସ କହିଛନ୍ତି ଥାନା ଅଞ୍ଚଳରେ ବିଶେଷକରି ଡ୍ରଗ୍ମ ଓ ଚୋରା ମଦ କାରବାର ବିରୋଧରେ ଦୃଢ ଆଇନଗତ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ । ଏଥି ସହିତ ଅପରାଧ ନିୟନ୍ତ୍ରଣ ପାଇଁ ସମସ୍ତ ଉଦ୍ୟମ ହେବ। ମହିଳା ଓ ଶିଶୁଙ୍କ ବିରୋଧରେ ହେଉଥିବା ଅପରାଧକୁ ପ୍ରାଥମିକତା ଭିତ୍ତିରେ ବିଚାରକୁ ନିଆଯାଇ କାର୍ଯ୍ୟାନୁଷ୍ଠାନ ନିଆଯିବ । ସାଇବର କ୍ରାଇମ୍ ନିୟନ୍ତ୍ରଣ ପାଇଁ ବ୍ୟାପକ ସଚେତନତା କାର୍ଯ୍ୟକ୍ରମ ଉପରେ ପ୍ରାଧ୍ୟାନ୍ୟ ଦିଆଯିବ। ସାଧାରଣ ଜନତାଙ୍କ ସମସ୍ତ
ଆପତ୍ତି ଓ ଅଭିଯୋଗକୁ ଗୁରୁତ୍ବ ଦିଆଯାଇ ଧାର୍ଯ୍ୟ ସମୟ ଭିତରେ ଡିସପୋଜାଲ ପାଇଁ ପଦକ୍ଷେପ ନିଆଯିବ ବୋଲିଶ୍ରୀଦାସ କହିଛନ୍ତି।
