ଭୁବନେଶ୍ୱର, ବାରିପଦାରେ ବନ ବିଭାଗ ହେପାଜତରୁ ଅଭିଯୁକ୍ତ ଶିକାରୀ ଫେରାର ହୋଇଯାଇଥିବା ଜଣା ପଡିଛି । ଫେରାର ହୋଇଯାଇଥିବା ଶିକାରୀ ଜଣଙ୍କ ହେଲେ ଡୁକୁରା ରେଞ୍ଜ ବାଙ୍ଗିରିପୋଷି ଗାଁର ରୂପାୟା ମାରାଣ୍ଡି । ସେ ବାରିପଦା ମେଡିକାଲରୁ ଫେରାର ହୋଇଥିବା ନେଇ ଥାନାରେ ଏତଲା ଦିଆଯାଇଛି । ଗତ କାଲି ରୂପାୟା ସମେତ ୩ ଶିକାରୀଙ୍କୁ ବନ ବିଭାଗ ଗିରଫ କରିଥିଲା ।
ଗିରଫ କରାଯିବା ପରେ ରୂପାୟା ଅସୁସ୍ଥ ହେବାରୁ ବାରିପଦା ମେଡିକାଲ ଅଣାଯାଇଥିଲା । ହେଲେ ଆଜି ସକାଳେ ମେଡିକାଲରୁ ଫେରାର ହୋଇଥିବା ନେଇ ବନ ବିଭାଗ ପକ୍ଷରୁ ସୂଚନା ଦିଆଯାଇଛି ।
