-
ପୋଲିସର କାର୍ଯ୍ୟ ଦକ୍ଷତାକୁ ପ୍ରଶଂସା,
ପୁରୀ, ବାହୁଡ଼ାରେ ଚୋରି ହୋଇଥିବା ମୋବାଇଲ ପଶ୍ଚିମବଙ୍ଗରୁ ଜବତ କଲା ପୁଲିସ।ଅଭିଯୋଗ ଅନୁସାରେ ମୋବାଇଲ୍ ଟି ସୁଆର ସାହିର ଅମୃତା ମିଶ୍ର ଙ୍କର ବୋଲି ଜଣାପଡ଼ିଥିଲା ।ବାହୁଡ଼ାଯାତ୍ର ଦିନ ବଳଗଣ୍ଡିଠାରେ ରଥ ଟାଣିବା ସମୟରେ ତାଙ୍କ ମୋବାଇଲ୍ ଚୋରି ହୋଇଥିଲା। ଏନେଇ କୁମ୍ଭାରପଡ଼ା ଓ ସାଇବର ଥାନାରେ ଅମୃତା ଅଭିଯୋଗ କରିଥିଲେ। ଏହାପରେ ପୁରୀ ପୁଲିସ ସାଇବର ସେଲ୍ ସହାୟତାରେ ତଦନ୍ତ କରିବାବେଳେ ପଶ୍ଚିମବଙ୍ଗ ପଶ୍ଚିମ ବର୍ଦ୍ଧମାନ ଜିଲ୍ଲାର ପଣ୍ଡେଶ୍ଵର ଥାନା ଅଞ୍ଚଳରେ ଥିବା ଜଣାପଡ଼ିଥିଲା। ପୁରୀ ଆରକ୍ଷୀ ଅଧିକ୍ଷକ କେ.ବିଶାଲ ସିଂହ ବର୍ଦ୍ଧମାନ ଏସ୍ପିଙ୍କ ସହ ଯୋଗାଯୋଗ କରିଥିଲେ ।ସେଠାକାର ପୁଲିସ ବିଭିନ୍ନ ମୋବାଇଲ୍ ଦୋକାନରେ ଚଢ଼ଉ କରିଥିଲା ପରେ ଉକ୍ତ ମୋବାଇଲ୍ ମିଳିଥିଲା ।ଶେଷରେ ପୁରୀ ପୁଲିସ ପାଖରେ ଅମ୍ଳତାଙ୍କ ଫୋନ୍ ପହଞ୍ଚିଥିଲା। ଅମ୍ରୁତାଙ୍କ ଅନୁପସ୍ଥିତିରେ ଟାଉନ୍ ଥାନା ଅଧିକାରୀ ଗୋକୁଳ ରଞ୍ଜନ ଦାସ ଫୋନଟି ତାଙ୍କ ପିଉସି ଉଷାରାଣୀ ମିଶ୍ରଙ୍କୁ ହସ୍ତାନ୍ତର କରିଥିଲେ |
ଏନେଇ ଅମ୍ଳତା ପୁରୀ ଏସ୍ପି ଏବଂ ସାଇବର ସେଲ୍ ଟିମ୍କୁ ଟୁଇଟ୍ ଯୋଗେ ଧନ୍ୟବାଦ ଦେବା ସହ ପ୍ରଶଂସା ଓ କୃତଜ୍ଞତା ଜଣାଇଛନ୍ତି ।ପୁରୀ ପୋଲିସର କାର୍ଯ୍ୟ ଦକ୍ଷତାକୁ ସାଧାରଣରେ ପ୍ରଶଂସା କରାଯାଇଛି |
