ଜୟପୁର, ଗଛରେ ପିଟି ହୋଇ ଜଣେ ବାଇକ ଚାଳକଙ୍କ ମୃତ୍ୟୁ ହୋଇଛି । ମୃତକ ଜଣକ ହେଉଛନ୍ତି ଫାମ୍ପୁଣିର ସୁବ୍ରତ ପ୍ରଧାନ । ସୂଚନା ଅନୁଯାୟୀ, ଆଜି ପ୍ରାତଃ ଭ୍ରମଣରେ ଯାଉଥିବା କେତେକ ଲୋକ ଦେଖିଥିଲେ ବାଇକ ଗଛରେ ପିଟି ହୋଇ ଗୁରୁତର ଅବସ୍ଥାରେ ଜଣେ ବ୍ୟକ୍ତି ପଡିଛି । ତୁରନ୍ତ ଆମ୍ବୁଲାନ୍ସ ଡକାଇ ନିକଟସ୍ଥ କୁନ୍ଦୁରା ଚିକିତ୍ସାଳୟକୁ ନେଇଥିଲେ । ହେଲେ ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଛନ୍ତି । ରାତ୍ରରେ ବାଇକରେ ଫାମ୍ପୁଣି ଆସୁଥିବା ବେଳେ ଡଙ୍ଗରପାଉଛି ନିକଟରେ ଥିବା ଗଛରେ ପିଟି ହୋଇଯାଇଥିଲା । ରାତ୍ର ହୋଇ ଯାଇଥିବାରୁ କେହି ଜାଣି ନଥିଲେ ସକାଳୁ ଦେଖିଥିଲେ । ମୃତକ ସୁବ୍ରତ ଗ୍ରୀଡକୋରେ ସିକ୍ୟିରିଟି ଗାର୍ଡ ଭାବେ କାମ କରୁଥିଲେ ।
Posted by: Desk, Indo Kaling Times
