ଭୁବନେଶ୍ୱର, ସ୍କୁଲ ୟୁନିଫର୍ମର ରଙ୍ଗ ପରିବର୍ତନକୁ ନେଇ ବିଜେପି ବିଧାୟକ ସୂରଜ ସୂର୍ଯ୍ୟବଂଶୀଙ୍କ ଟୁଇଟ୍ ର ଜବାବ୍ ଦେଇଛି ବିଜେଡି । ବିଜେଡି ମୁଖପାତ୍ର ଗୌତମ ବୁଦ୍ଧ ଦାସ ଟୁଇଟ୍ କରି କହିଛନ୍ତି ଯୁବ ବିଧାୟକ ସୂରଜ ସୂର୍ଯ୍ୟବଂଶୀଙ୍କୁ ସବୁଥିରେ ଖାଲି ରାଜନୀତି ହିଁ ଦେଖାଯାଉଛି । କେଉଁଠି ସବୁଜ ରଂଗ ଦେଖିଲେ ସେ ବାଉଳିଚାଉଳି ହେଉଛନ୍ତି । ଅଧିକାଂଶ ପନିପରିବା ଓ ଗଛଲତାର ରଂଗ ସବୁଜ । ତାହେଲେ କଣ ସେ ସବୁଜ ପରିବା ଖାଇବା ଛାଡ଼ିଦେବେ? ଗଛଲତା ଦେଖିଲେ ଆଖି ବୁଜି ଦେବେ?
ଆମ ଜାତୀୟ ପତାକାରେ ବି ସବୁଜ ରଂଗ ରହିଛି । ଯେଉଁମାନେ ଦେଶ ପାଇଁ ବଳିଦାନ ଦେଇଛନ୍ତି, ସେମାନେ ବହୁତ ଭାବିଚିନ୍ତି ପ୍ରଗତିର ରଂଗ ସବୁଜକୁ ପତାକାରେ ସ୍ଥାନ ଦେଇଛନ୍ତି । ମାତ୍ର ସୂରଜ ଏହାର ମହତ୍ୱ ବୁଝି ପାରିବେ ନାହିଁ । ରଂଗକୁ ନେଇ ଏଭଳି ନକାରାତ୍ମକ ରାଜନୀତି କରୁଥିବା ସସୂରଜଙ୍କୁ ଲଜ୍ଜା ଲାଗିବା ଉଚିତ । ରାଜନୀତି କରିବାକୁ ଆହୁରି ବହୁତ ପ୍ରସଙ୍ଗ ଅଛି । କିନ୍ତୁ ନିରୀହ ସ୍କୁଲ ପିଲାଙ୍କ ପୋଷାକର ରଂଗକୁ ନେଇ ସେ ଅନ୍ତତଃ ଘୃଣାର ରାଜନୀତିରୁ ବିରତ ରହନ୍ତୁ ବୋଲି ଟୁଇଟ୍ କରିଛନ୍ତି ବିଜେଡି ମୁଖପାତ୍ର ।
Posted by: Desk, Indo Kaling Times
