ପୁରୀ, ହେରା ପଂଚମୀରେ କ୍ରୋଧ ଜର୍ଜରିତ ମା ମହାଲକ୍ଷ୍ମୀ ନନ୍ଦିଘୋଷ ରଥକାଠ ଭାଙ୍ଗିବା ନୀତି ଅନୁଷ୍ଠିତ ହୋଇଥିଲା । ଏହାପରେ ବାହୁଡ଼ାଯାତ୍ରା ପାଇଁ ପ୍ରସ୍ତୁତି ଆରମ୍ଭ ହୋଇଛି । ଏଥିପାଇଁ ତିନି ରଥକୁ ଶ୍ରୀଗୁଣ୍ଡିଚା ମନ୍ଦିର ସିଂହଦ୍ଵାରରୁ ଆଜି ଦକ୍ଷିଣମୋଡ଼ କରାଯାଇ ନାକଚଣା ଦ୍ଵାର ଠାରେ ରଖାଯିବ । ସକାଳ ଧୂପ ପରେ ଏହି ବିଶେଷ ନୀତି ଅନୁଷ୍ଠିତ ହେବ । ତିନି ବାଡରୁ ପୂଜାପଣ୍ଡା ସାମନ୍ତ ଆଜ୍ଞାମାଳ ଧରି ବିଜେ କରିବା ପରେ ତିନି ରଥର ଦକ୍ଷିଣ ମୋଡ଼ କରାଯିବ । ଶରଧାବାଲି ପିଚୁ ହୋଇଯାଇଥିବାରୁ ଦକ୍ଷିଣମୋଡ଼ ପାଇଁ ପିଚୁ ଉପରେ ବାଲି ବିଛାଯାଇଛି । ଶାନ୍ତି ଶୃଙ୍ଖଳା ରକ୍ଷା ପାଇଁ ଏଠାରେ ବ୍ୟାପକ ପୋଲିସ ମୁତୟନ ହୋଇଛନ୍ତି।
