ବଲାଙ୍ଗିର – ସ୍ଥାନୀୟ ରମାଇଁ ଟକିଜରେ ବହୁ ପ୍ରତିକ୍ଷିତ ଓଡିଆ କୋଶଲି ଚଳଚିତ୍ରକୁ ଆଜି ମୁଖ୍ୟଅତିଥି ଭାବେ ପଶ୍ଚିମ ଓଡିଶା ବିକାଶ ପରିଷଦର ଅଧ୍ୟକ୍ଷ ସୁବାଷ ଚୌହାନ ଯୋଗଦାନ କରି ଉନ୍ମୋଚନ କରିଥିଲେ । ଏହି ଚଳଚିତ୍ର ଦେଖିବା ପାଇଁ ପ୍ରବଳ ଭିଡ ପରିଲକ୍ଷିତ ହୋଇଥିଲା । ଚଳଚିତ୍ରରେ ଅଭିନୟ କରିଥିବା ସମସ୍ତ ଅଭିନେତା ଓ ଅଭିନେତ୍ରୀଙ୍କୁ ସମ୍ମାନୀତ କରାଯାଇଥିଲା । ଚଳଚିତ୍ରଟି ଉଚ୍ଚକୋଟୀର ହୋଇଛି ବୋଲି ମୁଖ୍ୟ ଅତିଥି ପ୍ରକାଶ କରିଥିଲେ । ଚଳଚିତ୍ରଟି ଆଉ ତିନିଦିନ ରମାଇଁ ଟକିଜରେ ଚାଲିବ ବୋଲି ଜଣାଯାଇଛି । ପ୍ରୟୋଜକ ତଥା ମୁଖ୍ୟ ଚରିତ୍ରରେ ଅଭିନୟ କରିଥିବା ଶ୍ରୀକର ମିଶ୍ରଙ୍କ ସମେତ ହିରୋ ସୁରଜ ପଟ୍ଟନାୟକ, ହିରୋଇନ ରେଶମା ସୋନା, ଭିଲିଏନ ଧିରଜ ବେଜ୍, ଆରୁଷି ପଟେଲ, ସତ୍ୟ ନାଏକ, ବନୀତା ନାଗ, ଲଲିତ ପୁଜାରୀ, ଚିତରଂଜନ ଦାଶ, ତୁଷାର କାନ୍ତ ସାହୁ ଓ ଦୀଲିପ ଷଡଙ୍ଗିଙ୍କ ଅଭିନୟ ଉଚ୍ଚକୋଟୀର ହୋଇଥିବା ଦର୍ଶକ ମଣ୍ଡଳୀଙ୍କ ଠାରୁ ପ୍ରକାଶ । ଏହି ଚଳଚିତ୍ରର କାହାଣୀ ପ୍ରଶାନ୍ତ ଖମାରୀ ଲେଖିଥିବାବେଳେ ଦେବରାଜ ସାହୁ ସଂଳାପ ଲେଖିଛନ୍ତି । ଚଳଚିତ୍ରର ନିର୍ଦ୍ଦେଶକ କଟକର ଆଶିଷ ଭଟ୍ଟାଚାର୍ଯ୍ୟ ଥିବାବେଳେ ପଙ୍କଜ ଜାଲ ସଙ୍ଗୀତ ନିର୍ଦ୍ଦେଶନା ଦେଇଛନ୍ତି । ଚଳଚିତ୍ରଟି ମୋଟାମୋଟି ଭାବରେ ଉଚ୍ଚକୋଟୀର ହୋଇଥିବାରୁ ସମସ୍ତେ ଦେଖିବାର ସୁଯୋଗ ନିଅନ୍ତୁ ବୋଲି ସଂଯୋଜକ ପ୍ରହଲ୍ଲାଦ ଦର୍ଜୀ ଅନୁରୋଧ କରିଛନ୍ତି ।
