ନୂଆପଡ଼ା, ଖଡିଆଳ ବ୍ଲକ ଆରେଡ଼ା ପଞ୍ଚାୟତର ବଡମୁଳା ଗ୍ରାମରେ ଆମ୍ ଆଦମୀ ପାର୍ଟି ନୂଆପଡା ତରଫରୁ ବିଧାନସଭା ବିଜୁଳି ଆନ୍ଦୋଳନ ପାଇଁ ଜନସମ୍ପର୍କ ଅଭିଯାନ କରାଯାଇଥିଲା। ଜିଲ୍ଲା ଉପ ସଭାପତି ଚୈତନ୍ୟ ତାଣ୍ଡିଙ୍କ ମଞ୍ଚ ପରିଚାଳନାରେ ଅନୁଷ୍ଠିତ ବୈଠକରେ ଜିଲ୍ଲା ଆବାହକ ଶୋକନାଥ ସେନାପତି ସଭାପତିତ୍ବ କରିଥିଲେ । ଆମ୍ ଆଦମୀ ପାର୍ଟିର ସଫଳ ରାଜନୀତି ଓ ବିଚାରଧାରା ଉପରେ ସଭାପତି ବିସ୍ତୃତ ଭାବରେ ଜଣାଇଥିଲେ।
ଜିଲ୍ଲା ସାଧାରଣ ସମ୍ପାଦକ ଚମ୍ପେଶ୍ଵର ବନଛୋର ଆସନ୍ତା ଜୁଲାଇ ୭ ତାରିଖରେ ଖଡିଆଳ ଠାରେ ହେବାକୁ ଥିବା ବିଧାନସଭା ବିଜୁଳି ଆନ୍ଦୋଳନରେ ବହୁ ସଂଖ୍ୟାରେ ଯୋଗଦେବା ପାଇଁ ଆହ୍ଵାନ କରିଥିଲେ। ସଭାରେ ଆପ୍ ଖଡିଆଳ ବ୍ଲକ ଉପ ସଭାପତି ମଧ୍ୟ ଉପସ୍ଥିତ ଥିଲେ। ଗାଁର ବିଭିନ୍ନ ସମସ୍ୟା ଉପରେ ଆଲୋଚନା କରାଯାଇଥିଲା। ଗାଁର ରାସ୍ତା ମଧ୍ୟରେ ଥିବା ପୋଲକୁ ଘୁଞ୍ଚାଇବା ପାଇଁ ଗ୍ରାମବାସୀ ଅନୁରୋଧ କରିଥିଲେ।
