ଚମ୍ପୁଆ,ଚମ୍ପୁଆ ବ୍ଲକ ଜଜପଶି ପଂଚାୟତ ଅନ୍ତର୍ଗତ ବଳା ଗ୍ରାମ ( ଗୋଡ଼ା ସାହି) ର ହୋ ସମ୍ପ୍ରଦାୟ ର ଯୁବକ ଚନିଆ ମୁଣ୍ଡା ( ୨୫ )ଙ୍କ ବଜ୍ରାଘାତରେ ମୃତ୍ୟୁ ଘଟିଛି । ଖବରରୁ ପ୍ରକାଶ ଯେ ଗତକାଲି ଶନିବାର ପ୍ରବଳ ଖରା, ଗୁଳୁ ଗୁଳି ଗରମ ଅସହ୍ୟ ହେବା ଯୋଗୁଁ ପ୍ରାୟ ଦିବା ୨ ଘଟିକା ସମୟରେ ଚନିଆ ମୁଣ୍ଡା ଘର ପାଖ ବାଉଁଶ ଗଛ ଛାଇରେ ବିଶ୍ରାମ ନେଉ ଥିଲେ । ହଠାତ କାଳ ବୈଶାଖୀ ମାଡି ଆସି ଅକସ୍ମାତ ବଜ୍ରା ଘାତ ହେବାରୁ ଚନିଆ ମୁର୍ଚ୍ଛା ଯାଇ ଥିଲେ । ସଙ୍ଗେ ସଙ୍ଗେ ତାଙ୍କୁ ପରିବାର ଲୋକେ ଭଣ୍ଡା ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରକୁ ଚିକିତ୍ସା କରିବାକୁ ଆଣି ଥିଲେ । ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରି ଥିଲେ । ଆଜି ରବିବାର ଖବର ପାଇ ବାରିଆ ପୋଲିସ ଚମ୍ପୁଆ ଉପଖଣ୍ଡ ଚିକିତ୍ସାଳୟକୁ ଶବ ବ୍ୟବଛେଦ ପାଇଁ ପଠାଇଛି । ଚନିଆ ବିବାହିତ, ତାର ସ୍ତ୍ରୀ ଓ ୨ ବର୍ଷ ର ପୁଅ ଟିଏ ଥିବାର ଜଣା ପଡିଛି ।
