ବିଶ୍ବପ୍ରସିଦ୍ଧ ଶ୍ରୀ ଜଗନ୍ନାଥଙ୍କ ରଥଯାତ୍ରା ଉପଲକ୍ଷେ ତଥା ରାଜ୍ୟ ତଥା ରାଜ୍ୟ ବାହାରେ ରହୁଥିବା ୨୮ ଜଣ ଚିତ୍ରଶିଳ୍ପୀଙ୍କୁ ନେଇ ପୁରୀ,ପାନ୍ଥନିବାସ ଠାରେ ଏକ ଯୁବ ଚିତ୍ରଶିଳ୍ପୀ ଶିବିର ଉଦଘାଟିତ ହୋଇଛି | ଓଡ଼ିଶା ଲଳିତ କଳା ଏକାଡେମୀ, ଓଡ଼ିଆ ଭାଷା, ସାହିତ୍ୟ ଓ ସଂସ୍କୃତି ବିଭାଗ ଦ୍ବାରା ଆୟୋଜିତ ଏହି ଶିବିରରେ ୪ ଦିନ ଶିଳ୍ପୀମାନେ ଶ୍ରୀ ଜଗନ୍ନାଥ ଓ ରଥଯାତ୍ରା ଉପରେ ବିଭିନ୍ନ ଆଧ୍ୟାତ୍ମିକ ଚିତ୍ରମାନ ଅଙ୍କନ କରିବେ। ଉଦଘାଟନୀ ଉତ୍ସବରେ ମୁଖ୍ୟ ଅତିଥ୍ ରୂପେ ଶ୍ରୀ ମନ୍ଦିର ମୁଖ୍ୟ ପ୍ରଶାସକ ରଞ୍ଜନ କୁମାର ଦାସ ଓ ଏକାଡେମୀର ସଭାପତି ଅନ୍ତର୍ଜାତୀୟ ବାଲୁକା ଶିଳ୍ପୀ ପଦ୍ମଶ୍ରୀ ପୁରସ୍କାର ପ୍ରାପ୍ତ ସୁଦର୍ଶନ ପଟ୍ଟନାୟକ ଶିବିରକୁ ଉଦଘାଟନ କରିଥିଲେ । ଏହି ଅବସରରେ ଅତିଥି ମାନେ ଜଗନ୍ନାଥ ସଂସ୍କୃତି ଓଡ଼ିଶାର ପରିଚୟ ଏବଂ ଏହାକୁ ନେଇ ଶିଳ୍ପୀମାନେ ଚିତ୍ର ଅଙ୍କନ କଲେ ଜଗନ୍ନାଥ ସଂସ୍କୃତିର ପ୍ରଚାର ପ୍ରସାର ସହିତ ଶିଳ୍ପୀଙ୍କ ତୂଳୀରୁ ବଳିଷ୍ଠ ଚିତ୍ରକଳା ସୃଷ୍ଟି ହୋଇପାରିବ ବୋଲି ମତ ପ୍ରକାଶ କରିଥିଲେ। ପ୍ରାରମ୍ଭରେ ଏକାଡେମୀର ସଚିବ ପଞ୍ଚାନନ ସାମଲ ଅତିଥି ମାନଙ୍କ ପରିଚୟ ପ୍ରଦାନ କରି ସ୍ଵାଗତ କରିଥିଲେ। ଦିଲ୍ଲୀରୁ ଚିତ୍ରଶିଳ୍ପୀ ଜ୍ୟୋତି ପ୍ରକାଶ ପ୍ରଧାନ, ବିକାଶ ସେନାପତି, ସତ୍ୟ ରଞ୍ଜନ ଦାସ, ସନ୍ତୋଷ ରାଉତରାୟ,ସୂର୍ଯ୍ୟକାନ୍ତ ସ୍ବାଇଁ ଓ ମନୋଜ କୁମାର ମହାନ୍ତି, ହାଇଦ୍ରାବାଦରୁ ଜ୍ୟୋତିର୍ମୟ ପଟ୍ଟନାୟକ, ଓଡ଼ିଶାର ବିଭିନ୍ନ ସ୍ଥାନରୁ ସୁମିତ୍ରା ରାଣୀ ଦାସ, ବିପିନ୍ ବିହାରୀ ଓଝା,ସିଦ୍ଧାର୍ଥ ଶଙ୍କର ଦାସ, କୃପାସିନ୍ଧୁ ଦିକ୍ଷୀତ, ଜୟଶ୍ରୀ ଜେନା, ମାନସ କୁମାର ଦାସ, ଶୁଭେନ୍ଦୁ ମିଶ୍ର, ସନ୍ତୋଷ ରାଉତରାୟ, ମୃତ୍ୟୁଞ୍ଜୟ ବାରିକ, କୁଲଦୀପ ବର୍ମା, ବିକାଶ ଚନ୍ଦ୍ର ପ୍ରଧାନ, ଗୀତାଞ୍ଜଳି ଦାସ, ଡାକୋଜୀ ଶିବା ଆଚାର୍ଯ୍ୟ, ଦେବାଶିଷ ମହାରଣା,ବିଶ୍ବଜିତ୍ ଗିରି, ଆକାଶ ଶ୍ରୀ ଚନ୍ଦନ ରାମ, ବିଶ୍ବଦର୍ଶି ଦାସ, ତାପସ କର, ଚିତ୍ରସେନ ବିଶୋଇ , ସୀତିକାନ୍ତ ସାମନ୍ତସିଂହାର, ସୁମିତ୍ରା ମହାରଣା ଓ ପ୍ରତାପ ବଡତିଆ ପ୍ରମୁଖ ଅଂଶ ଗ୍ରହଣ କରି ଶ୍ରୀ ଜଗନ୍ନାଥ ଓ ରଥଯାତ୍ରା ବିଷୟ ବସ୍ତୁକୁ ନେଇ ନିଜ ନିଜ ଶୈଳୀରେ ସୃଜନ ଶୀଳ ଚିତ୍ରମାନ ଅଙ୍କନ କରିବେ । ଏହି ଶିବିର ଜୁନ ୧୮ ତାରିଖ ପର୍ଯ୍ୟନ୍ତ ଦର୍ଶକଙ୍କ ପାଇଁ ଖୋଲା ରହିବ । ଶିବିର ଶେଷ ଦିନରେ ବିଶିଷ୍ଟ ଅତିଥିମାନଙ୍କ ଦ୍ବାରା ଶିଳ୍ପୀମାନଙ୍କୁ ସମ୍ବର୍ଦ୍ଧିତ କରାଯିବାର କାର୍ଯ୍ୟକ୍ରମ ରହିଛି।
