ବଲାଙ୍ଗିର, ବଲାଙ୍ଗିର ସହରରୁ ପୁଣି ବିପୁଳ ପରିମାଣର ଗଞ୍ଜେଇ ଜବତ ହୋଇଥିବା ଜଣାପଡ଼ିଛି । ସୂଚନା ଅନୁସାରେ, ଭାଗିରଥି ଛକରେ ପଶ୍ଚିମବଙ୍ଗର ମାଲ ବୋଝେଇ ଟ୍ରକ୍ ରୁ ଏହି ଗଞ୍ଜେଇ ଜବତ ହୋଇଛି । ଜବତ ଗଞ୍ଜେଇକୁ ସ୍ଥାନୀୟ ରିଜର୍ଭ ବ୍ୟାରେକ୍ କୁ ଆଣି ଅଧିକ ତଦନ୍ତ ଚଳାଇଛି ବଲାଙ୍ଗିର ପୋଲିସ । ତେବେ ଜବତ ହୋଇଥିବା ଗଞ୍ଜେଇ ପାଖାପାଖି ୧୦୦ କ୍ୱିଂଟାଲ ହେବ ବୋଲି ବଲାଙ୍ଗିର ଏସପି ରିଷିକେଶ ଖିଲାରୀ ଓ ଏସଡିପିଓ ତୋଫାନ୍ ବାଗଙ୍କ ସୂତ୍ରରୁ ଜଣାପଡ଼ିଛି । ଏ ସମ୍ପର୍କରେ ସବିଶେଷ ତଥ୍ୟକୁ ଅପେକ୍ଷା କରାଯାଇଛି ।
