ଶରଧାବାଲି ତୃତୀୟ ଲେନ୍ ରେ ଚୋରି

• ୭ ଭରି ଓଜନର ସୁନା ଅଳଙ୍କାର ସମେତ ଲକ୍ଷାଧିକ ଟଙ୍କା ଲୁଟ୍ ଅଭିଯୋଗ

ଗଞ୍ଜାମ, ବ୍ରହ୍ମପୁର ସହରର ଶରଧାବାଲି ଅଂଚଳର ତୃତୀୟ ଲେନ୍ ରେ ଗତକାଲି ମଧ୍ୟାହ୍ନରେ ଏକ ବଡ଼ ଧରଣର ଚୋରି ହୋଇଛି । ଦିନ ୧୦ଟା ପରେ ଦୁର୍ଯ୍ୟୋଧନ ସାହୁ ଓ ତାଙ୍କ ପରିବାର ଲୋକେ ଘରେ ତାଲା ପକାଇ ବାହାରକୁ ଯାଇଥିବା ବେଳେ ସଂନ୍ଧ୍ୟାରେ ଘରକୁ ଫେରି ଦେଖନ୍ତି ତ ଦୁର୍ବୃତ ମାନେ ଘରର ମୁଖ୍ୟ ଫାଟକ ତାଲା ଭାଙ୍ଗି ଘରେ ପଶିବା ସହ ଆଲମିରାରେ ଥିବା ୭ ଭରି ଓଜନର ସୁନା ଅଳଙ୍କାର ସମେତ ଲକ୍ଷାଧିକ ଟଙ୍କା ଚୋରି କରି ନେଇଛନ୍ତି । ଦୁର୍ଯ୍ୟୋଧନ ଏନେଇ ବୈଦ୍ୟନାଥପୁର ଥାନାରେ ଏତଲା କରିଥିଲେ । ଏତଲାକୁ ଭିତି କରି ପୋଲିସ ଏ ସଂକ୍ରାନ୍ତରେ ଏକ ମାମଲା ରୁଜ୍ଜୁ କରିବା ସହ ଗତକାଲି ରାତିରେ ଘଟଣାସ୍ଥଳକୁ ଯାଇ ତଦନ୍ତ କରି ଫେରିଛି । ତେବେ ଅଦ୍ୟାବଧି ଚୋରି ଅଳଙ୍କାର ଓ ଚୋରଙ୍କୁ ଠାବ କରିପାରିନାହିଁ। ସମ୍ପୃକ୍ତ ଅଂଚଳରେ ଚୋରି ଘଟଣା ବୃଦ୍ଧି ପାଉଥିବାରୁ ପୋଲିସ ପକ୍ଷରୁ ରାତ୍ରିକାଳୀନ ପାଟ୍ରୋଲିଂ ବ୍ୟବସ୍ଥାକୁ କଡ଼ାକଡ଼ି କରିବାକୁ ସାଧାରଣରେ ଦାବି ହେଉଛି ।