ଗଣପର୍ବ ନୁଆଁଖାଇରେ ବୌଦ୍ଧ ଜିଲା ଉତ୍ସବ ମୁଖର, ପିଠାପଣାର ମହକରେ ବାସୁଛି ଗାଁ ଦାଣ୍ଡ

ବୌଦ୍ଧ :  ମଙ୍ଗଳବାର   ପଶ୍ଚିମ ଓଡ଼ିଶାର ଭାଇଚାରାର ପର୍ବ ଓ କୃଷିଭିତ୍ିିକ ଗଣପର୍ବ  ନୁଆଁଖାଇ  ଘରେ ଘରେ ପାଳିତ ହୋଇଛି ।  ଏଥିପାଇ ପାଇଁ ସାରା ଜିଲା ଚଳଚଞ୍ଚଳ ଥିବା ବେଳେ   ବୌଦ୍ଧର ଅଧିଷ୍ଠାତ୍ରୀ ଦେବୀ ମା ଭୌରବୀ ଙ୍କ ପୀଠରେ ଧାର୍ଯ୍ୟ ଲଗ୍ନ ଅନୁଶାରେ ୧୦ଟା  ନବାନ୍ନ ଲାଗି କରାଯାଇଥିଲା । ମହାନଦୀରେ ପୁଜା କରି ମହାନଦୀର ପବିତ୍ର ଜଳକୁ  ଶୋଭାଯାତ୍ରାରେ ଅଣାଯାଇ ଦେବୀଙ୍କ ପାଇ ନବାନ୍ନ ପ୍ରସ୍ତୁତ କରାଯାଇଥିଲା । ପାଳିଆ ପୂଜକ ବିଭୂତି ଭୂଷଣ ବଡମାଳି ଓ ପୂଜକ ମଧୁସୂଦନ ବାରିକ ବିଧି ନିୟମ ପ୍ରକାରେ ସ୍ୱତନ୍ତ୍ର ପୂଜା କରିବା ପରେ ପ୍ରଥମେ ମା ଭୈରବୀଙ୍କ ଠାରେ ନବାନ୍ନ ଲାଗି କରିବା ପରେ ପାଶ୍ୱର୍ ଦେବାଦେବୀମାନଙ୍କୁ ନବାନ୍ନ ଅର୍ପଣ କରିଥିଲେ  ।  ଭୈରବୀଙ୍କ ଠାରେ ମହାଆଳତି କରିବା ପରେ ଭକ୍ତ ମାନେ ସାମୁହିକ ଭାବେ ଦେବୀଙ୍କ ନବାନ୍ନ ସେବନ କରିଥିଲେ । ପୁଜା ସମୟରେ ଭୈରବୀଙ୍କ ପିଠରେ ମୁଖ୍ୟ ପୁଜକ ଗୌରି ପ୍ରସାଦ ବଡମାଳି , ରାକେଶ ବଡମାଳି , ସାନନ୍ଦ ବଡମାଳି , ଧନେଶ୍ୱର ବଡମାଳି , ତରଣୀ ବଡମାଳି , ରାକେଶ କୁମାର ବାରିକ ଏବଂ ଅନ୍ୟ ମାନେ ସାମିଲ ଥିଲେ । ଏପେଟ   ଘରେ ଘରେ  ନୁଆ ଚାଉଳର ପିଠାପଣାର ମହକରେ ଗାଁ ଦାଣ୍ଡ ମହମହ ବାସୁଛି  । ସମସ୍ତ ଗ୍ରାମ ଗୁଡିକରେ ପ୍ରଥମେ ଗ୍ରାମ ମୁଖିଆଙ୍କ ଦ୍ୱାରା ଗ୍ରାମଦେବତୀଙ୍କ ନିକଟରେ ନବାନ୍ନ ଅର୍ପଣ ପରେ ପ୍ରତି ପରିବାରର ସମସ୍ତେ ନୂଆଲୁଗା ପିନ୍ଧି  ନିଜ ନିଜର ଇଷ୍ଟ ଦେବାଦେବୀଙ୍କୁ  ନବାନ୍ନ ଅର୍ପଣ ପରେ ନବାନ୍ନ ଭକ୍ଷଣ କରି ପରିବାର ଓ ଗ୍ରାମର ଗୁରୁଜନଙ୍କ ନିକଟରୁ ଆଶିର୍ବାଦ ଗ୍ରହଣ କରିଛନ୍ତି । ବିଭିନ୍ନ ବର୍ଗରେ ପରମ୍ପରା ଅନୁସାରେ କୁରେଇ, ମହୁଲ, ପଲଶା, ଶାଳ   ପତ୍ରରେ  ଖାଇଥାନ୍ତି । ନିଜର ଜମିରେ  ଚଷା ପୁଅ ଖିର ,ଅରୁଆ ଚାଉଳ ଓ ଫୁଲ ଦୁବ ଦେଇ ପୁଜା ମଧ୍ୟ କରିବାକୁ ଭୁଲି ନଥାଏ । ପରିବାର ଓ ସାଇଭାଇ ମିଳିମିଶି ନବାହ୍ନ ଖାଇବା ପରେ ଗାଁ ଗାଁରେ ନାଚ ଗୀତର ଆସର ଜମି ଉଠିଛି । ନବାନ୍ନ ଭକ୍ଷଣ ପରେ ଭେଟ୍ ଘାଟ୍ ଏକ ନିଆରା ପରମ୍ପରା । ଯୁଗ ଯୁଗରୁ ଚଳି ଆସୁଥିବା ଏହି ପରମ୍ପରା ଅନୁଯାୟୀ ନବାହ୍ନ ଭକ୍ଷଣ ପରେ ଗ୍ରାମର ଛୁଆ ଠାରୁ ବୁଢା ପର୍ଯ୍ୟନ୍ତ ନିଜ ବୟସ ଠାରୁ ଅଧିକ ବୟସ୍କ ବ୍ୟକ୍ତି ବିଶେଷଙ୍କ ପାଦଛୁଇଁ ଆଶିର୍ବାଦ ମାଗିଥାନ୍ତି । ଗାଁ ଗାଁରେ ରାତିସାରା ନାଚ ଗୀତରେ ଜମି ଉଠେ ଏହି ଭେଟ୍ଘାଟ୍ ପର୍ବ ପାଇଁ ସାରା ଜିଲା ଉତ୍ସବ ମୁଖ୍ର ହୋଇପଡିଛି ।