ବ୍ରାହ୍ମଣ ପରିବାର ଚାରିଟେବୁଲ ଟ୍ରଷ୍ଟ ପକ୍ଷରୁ ନବକଳେବର ରୋଡ ସ୍ଥିତ ଆଖଣ୍ଡଳମଣି ମନ୍ଦିର ପରିସରରେ ଏକ ସାମୁହିକ ବ୍ରତୋପନୟନ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି ।ଏହି ବ୍ରତୋପନୟନ କାର୍ଯ୍ୟକ୍ରମରେ ଓଡ଼ିଶାର ବିଭିନ୍ନ ଜିଲ୍ଲାରୁ ୧୨ ଜଣ ବ୍ରାହ୍ମଣ ପିଲାଙ୍କୁ ସାମୁହିକ ବ୍ରତ କରାଯାଇଛି ।ଏହି କାର୍ଯ୍ୟକ୍ରମକୁ ପୂର୍ବତନ ବାଚସ୍ପତି ତଥା ପୁରୀ ଜିଲ୍ଲା ବିଜେଡ଼ି ଦଳର ମୁଖ୍ୟ ମହେଶ୍ବର ମହାନ୍ତି ଏବଂ ବିଜେଡ଼ି ଦଳର ଯୁବ ନେତା ଷ୍ଟାଲିନ ପରିଜା ଯୋଗଦାନ କରି ଉଦ୍ଘାଟନ କରିବା ସହ ନୂତନ ବ୍ରହ୍ମଚାରୀ ମାନଙ୍କୁ ଆଶୀର୍ବାଦ ପ୍ରଦାନ କରିଥିଲେ ।ବ୍ରାହ୍ମଣ ପରିବାର ର ସଭାପତି କଳ୍ପତରୁ ଶତପଥୀ, ଅଧ୍ୟକ୍ଷ ସଞ୍ଜୟ ମିଶ୍ର, ଆଡମିନ ସଂଜୟଲକ୍ଷ୍ମି ତ୍ରିପାଠୀ ,ମମତା ନନ୍ଦ, ବନ୍ଦିତା ମିଶ୍ର, ସ୍ନେହଲତା ଷଡଙ୍ଗୀ,ଝରଣା ଦାଶ,ଲିନା ଦାଶ,ମୋନାଲିସା ମିଶ୍ର, ରଞ୍ଜନା ମିଶ୍ର ଏବଂ ନିରୁପମା ପଣ୍ଡା ପ୍ରମୁଖ ପରିଚାଳନା କରିଥିବା ବେଳେ ସୋନୁ ଦେବିପ୍ରସାଦ ଶତପଥୀ,ବିଶ୍ୱଜିତ୍ ପୁଷ୍ପାଳକ, ଭବାନୀ ମିଶ୍ର,ଶଙ୍କର ଶତପଥୀ, ମାଧବାନନ୍ଦ ମିଶ୍ର,ସୁବ୍ରତ ଦାସ, ଭାସ୍କର ଚନ୍ଦ୍ର ଦାସ ଏବଂ ରାକେଶ ରୋସନ୍ ତ୍ରିପାଠୀ ଙ୍କ ଦ୍ଵାରା କର୍ଣ୍ଣବେଦ,ଚୁଡ଼ାକର୍ମ ଯଜ୍ଞ ପବିତ୍ର ହୋମ କାର୍ଯ୍ୟ ଆଦି ସମସ୍ତ କାର୍ଯ୍ୟ ପରିଚାଳନା କରାଯାଇଥିଲା ।ଶେଷରେ ନୂତନ ବ୍ରହ୍ମଚାରୀ ମାନଙ୍କୁ ପରିବାର ସମସ୍ତ ସଦସ୍ୟ ଓ ପରିଚାଳନା କମିଟି ବ୍ରତ ଭିକ୍ଷା ଦେବା ସହ ଆଶିର୍ବାଦ ପ୍ରଦାନ କରିଥିଲେ ।
