ମାଲକାନଗିରି, ବିଶ୍ଵ ତମାଖୁ ଦିବସ ଉପଲକ୍ଷେ ଆଜି ସରକାରୀ ପଲିଟେକ୍ନିକ୍ ମାଲକାନଗିରିରେ ବିଭିନ୍ନ ପ୍ରତିଯୋଗିତା ଆୟୋଜିତ ହୋଇଥିଲା। ଏହି କାର୍ଯ୍ୟକ୍ରମକୁ ମାଲକାନଗିରି ଜିଲ୍ଲା ସ୍ଵାସ୍ଥ୍ୟ ସମିତି ଦ୍ଵାରା ଆୟୋଜନ କରାଯାଇଥିଲା। ପ୍ରତିଯୋଗିତା କାର୍ଯ୍ୟକ୍ରମ ପୂର୍ବରୁ ଏଠାରେ ଏକ ସଭାର ଆୟୋଜନ କରାଯାଇଥିଲା। ଏହି ସଭାରେ ଡ. ରଂଜନ କୁମାର ସ୍ବାଇଁ ଯୁବ ରେଡକ୍ରସ ଜିଲ୍ଲା ସମ୍ମିଳନୀ ସଚିବ ଅଧ୍ୟକ୍ଷତା କରିଥିଲେ। ତମାଖୁ ବର୍ଜନ ଦିବସ ପାଳନ କରିବାର ମହତ୍ଵ ବିଷୟରେ ସେ କହିଥିଲେ। ମୁଖ୍ୟବକ୍ତା ଡକ୍ଟର ଦୁର୍ଗା ପ୍ରସାଦ ରାଜ, ମହାମାରୀ ବିଶେଷଜ୍ଞ ମଞ୍ଚରେ ତମାଖୁର କ୍ଷତିକାରକ ପ୍ରଭାବ ସମ୍ପର୍କରେ ଏକ ଅଭିଭାଷଣ ପ୍ରଦାନ କରିଥିଲେ। ପ୍ରଭାସ କୁମାର ସେଠୀ (ଖାଦ୍ୟ ସୁରକ୍ଷା ଅଧିକାରୀ, ହରିଶ ରୁପାଲ ଉଭୟ ସମ୍ମାନିତ ଅତିଥି ଭାବରେ ଯୋଗ ଦେଇଥିଲେ। ଏହି କାର୍ଯ୍ୟକ୍ରମକୁ ଶିବ ଶଙ୍କର ପାଣିଗ୍ରାହି (ଆସିଷ୍ଟାଣ୍ଟ ମ୍ୟାନେଜର ଏନସିଡି)ସଂଯୋଜନା କରିଥିଲେ। ଡି.ଆସିଶ ରାଥୋର ଯୁବ ରେଡ଼କ୍ରସ ସଂଯୋଜକ, ରିତେଶ କୁମାର (ସହକାରୀ ତାଲିମ ଅଧିକାରୀ, ସରକାରୀ ଆଇଟିଆଇ) ଏବଂ ସରକାରୀ ପଲିଟେକ୍ନିକ୍ ମାଲକାନଗିରି ଅନୁଷ୍ଠାନର ଶର୍ମିଳା ସବର (ପ୍ରିନ୍ସିପାଲ୍ ଦାୟିତ୍ଵ, ସିନିୟର ଅଧ୍ୟାପିକା, ମେକାନିକାଲ୍ ଇଞ୍ଜିନିୟରିଂ), ବିପିନ ବିହାରୀ ମହାନ୍ତି (ଅଧ୍ୟାପକ, ରସାୟନ ବିଜ୍ଞାନ), ଅବକାଶ ପ୍ରଧାନୀ (ଅଧ୍ୟାପକ, ପଦାର୍ଥ ବିଜ୍ଞାନ), ଜେ.ବିନୋଦ କୁମାର (ଅଧ୍ୟାପକ, ଇଲେକ୍ଟ୍ରିକାଲ ଇଞ୍ଜିନିୟରିଂ ), ପଲ୍ଲବି ମହାନ୍ତ ( ଅଧ୍ୟାପିକା, ଯନ୍ତ୍ର ଏବଂ ନିୟନ୍ତ୍ରଣ ଇଞ୍ଜିନିୟରିଂ), ବି.ପାୱାନି (ଅତିଥି ଅଧ୍ୟାପକ, ମେକାନିକାଲ୍ ଇଞ୍ଜିନିୟରିଂ) ଇତ୍ୟାଦି ସମସ୍ତେ ପ୍ରତିଯୋଗିତାରେ ସହଯୋଗ ଏବଂ ମୂଲ୍ୟାଙ୍କନ କରିଥିଲେ। ଏହି ପ୍ରତିଯୋଗିତାରେ ସରକାରୀ ଡିଗ୍ରୀ କଲେଜ, ସରକାରୀ ଜୁନିଅର ସାଇନ୍ସ କଲେଜ, ମାଲକାନଗିରି କଲେଜ, ସରକାରୀ ଆଇଟିଆଇ ଏବଂ ପଲିଟେକ୍ନିକ୍ ଅନୁଷ୍ଠାନରୁ ୭୦ ରୁ ଅଧିକ ଛାତ୍ରଛାତ୍ରୀ ଅଂଶଗ୍ରହଣ କରିଥିଲେ। ପ୍ରବନ୍ଧ ପ୍ରତିଯୋଗିତାରେ ବିଶ୍ଵରଞ୍ଜନ ଧଳ, ଭି.ପ୍ରକାଶ ରାଓ, ଚନ୍ଦ୍ରବଟି ମଲାଟ ଯଥାକ୍ରମେ ପ୍ରଥମ, ଦ୍ଵିତୀୟ ଏବଂ ତୃତୀୟ ସ୍ଥାନ ଅଧିକାର କରିଥିଲେ।
ସେହିଭଳି ଚିତ୍ରାଙ୍କନ ପ୍ରତିଯୋଗିତାରେ ସାରଥୀ ବଟେ, ରତିକାନ୍ତ ପଣ୍ଡା ଏବଂ ସୁମିତ କୁମାର ବେହେରା ଯଥାକ୍ରମେ ପ୍ରଥମ, ଦ୍ଵିତୀୟ ଏବଂ ତୃତୀୟ ସ୍ଥାନ ଅଧିକାର କରିଥିଲେ ।
