ଦିନ ୧୧ଟା ୩୦ ସୁଦ୍ଧା ୧୦ ସହରରେ ତାପମାତ୍ରା ୩୩ ଡ଼ିଗ୍ରୀ ଉପରେ

• ସମ୍ବଲପୁରରେ ସର୍ବାଧିକ ୩୯.୪ ଡ଼ିଗ୍ରୀ

ଭୁବନେଶ୍ଵର, ରାଜ୍ୟରେ ଅସହ୍ୟ ଗ୍ରୀଷ୍ମ ପ୍ରବାହ ଓ ଗୁଳୁଗୁଳି ଜାରି ରହିଛି । ଆଜି ଦିନ ୧୧ ଟା ୩୦ ସୁଦ୍ଧା ୧୦ଟି ସହରରେ ତାପମାତ୍ରା ୩୩ ଡ଼ିଗ୍ରୀ ଉପରେ ରହିଛି । ସମ୍ବଲପୁରରେ ତାପମାତ୍ରା ସର୍ବାଧିକ ୩୯.୪ ଡ଼ିଗ୍ରୀ ରେକର୍ଡ଼ ହୋଇଛି ।

ସେହିପରି ଝାରସୁଗୁଡାରେ ତାପମାତ୍ରା ୩୮.୬ ଡ଼ିଗ୍ରୀ, ହୀରାକୁଦରେ ୩୮ ଡ଼ିଗ୍ରୀ, ଭୁବନେଶ୍ଵରରେ ୩୬.୮ ଡ଼ିଗ୍ରୀ, ଚାନ୍ଦବାଲିରେ ୩୬ ଡ଼ିଗ୍ରୀ, ବାଲେଶ୍ଵରରେ ୩୫.୮ ଡ଼ିଗ୍ରୀ, କେନ୍ଦୁଝରରେ ୩୫ ଡ଼ିଗ୍ରୀ, ଗୋପାଳପୁରରେ ୩୪.୪ ଡ଼ିଗ୍ରୀ, ପାରାଦୀପରେ ୩୩.୬ ଡ଼ିଗ୍ରୀ ଏବଂ ପୁରୀରେ ୩୩.୬ ଡ଼ିଗ୍ରୀ ରେକର୍ଡ଼ ହୋଇଛି । ଭୁବନେଶ୍ଵର ସ୍ଥିତ ଆଂଚଳିକ ପାଣିପାଗ କେନ୍ଦ୍ର ପକ୍ଷରୁ ଜାରୀ ହୋଇଥିବା ଏକ ଟ୍ଵିଟ୍ ରୁ ଏହି ସୂଚନା ମିଳିଛି।