ଭୁବନେଶ୍ୱର – ମହାତ୍ମା ଗାନ୍ଧିଙ୍କ ୧୫୦ ତମ ଜୟନ୍ତୀ ଅବସରରେ ତାଙ୍କ ଅହିଂସା ମନ୍ତ୍ର ସମ୍ପର୍କରେ ରାଜ୍ୟରେ ଥିବା ସମସ୍ତ ସ୍କୁଲର ପିଲାଙ୍କୁ ସଚେତନ କରାଯିବ । ଏହି କାର୍ଯ୍ୟକ୍ରମ ସେପ୍ଟେମ୍ବର ୧୬ରୁ ୧୮ ତାରିଖ ୩ ଦିନ ଚାଲିବ । ଏହି କାର୍ଯ୍ୟକ୍ରମରେ ସ୍କୁଲ ଓ ଯୁକ୍ତ ୨ ଛାତ୍ରଛାତ୍ରୀଙ୍କ ମଧ୍ୟରେ ଚିତ୍ରାଙ୍କନ , ବକ୍ତୃତା , କୁଇଜ୍ ଆଦି ପ୍ରତିଯୋଗିତା କରାଯିବ । ପ୍ରାୟ ୬୪ ଲକ୍ଷ ଛାତ୍ରଛାତ୍ରୀ ଏହି କାର୍ଯ୍ୟକ୍ରମରେ ସାମିଲ ହେବେ ବୋଲି ବିଦ୍ୟାଳୟ ଓ ଗଣଶିକ୍ଷା ମନ୍ତ୍ରୀ ସମୀର ରଂଜନ ଦାଶ ପ୍ରକାଶ କରିଛନ୍ତି ।
