ମାଲକାନଗିରି, ଖଇରପୁଟ ବ୍ଲକ ଅନ୍ତର୍ଗତ ସିରିପେଟା ଜଗନ୍ନାଥ ମନ୍ଦିର ପ୍ରାଙ୍ଗଣରେ ରଥଯାତ୍ରା ନିମନ୍ତେ ଏକ ପ୍ରସ୍ତୁତି ବୈଠକ ଅନୁଷ୍ଠିତ ହୋଇଯାଇଛି । ରଥଯାତ୍ରା କିପରି ସୁରୁଖୁରୁରେ ହୋଇପାରିବ ସେନେଇ ବୈଠକରେ ପୁ୍ଖାନୁପୁଙ୍ଖ ଆଲୋଚନା କରାଯାଇଥିଲା । ଚଳିତ ରଥଯାତ୍ରା ନିମନ୍ତେ ନୂତନ ରଥ ନିର୍ମାଣର ପ୍ରକ୍ରିୟା ଆସନ୍ତା ଜୁନ ୪ ତାରିଖ ମଧ୍ୟରେ ସାରିବାକୁ ନିଷ୍ପତ୍ତି ହୋଇଥିଲା ଓ ଏହି କାର୍ଯ୍ୟକୁ ତ୍ବରାନ୍ବିତ ନିମନ୍ତେ ଏକ କମିଟି ଗଠନ କରାଯାଇଛି ।
ଆଜିର ଏହି ପ୍ରସ୍ତୁତି ବୈଠକରେ ମନ୍ଦିରର ମୁଖ୍ୟ ପୂଜକ ବିଜୟାନନ୍ଦ ପଣ୍ଡା, ମନ୍ଦିର କମିଟିର ସଭାପତି ସନାତନ ମାଢ଼ି, ଉପ ସଭାପତି ସହଦେବ ଶିଶା, ଭଗତ ମାଢ଼ି, ଅର୍ଜୁନ ଓଡୀ, ଭଗବାନ ସାହୁଙ୍କ ସହ ମନ୍ଦିର କମିଟି ସଦସ୍ୟ ଓ ଗ୍ରାମବାସୀ ମାନେ ଉପସ୍ଥିତ ରହି ରଥଯାତ୍ରାକୁ ସୁଗମ ଓ ବ୍ୟବସ୍ଥିତ କରିବା ପାଇଁ ନିଷ୍ପତ୍ତି ନେଇଛନ୍ତି ।
