ମାଲକାନଗିରି, ଆଜି ଚିତ୍ରକୋଣ୍ଡା ନିର୍ବାଚନ ମଣ୍ଡଳୀର କୋରୁକୋଣ୍ଡା ବ୍ଲକ କାମବେଡା ଗ୍ରାମପଞ୍ଚାୟତ ସଦର ମହକୁମାରେ ଗଙ୍ଗା ମେମୋରିଆଲ ମା କମେଶ୍ଵରି କ୍ରିକେଟ ଟୁର୍ନାମେଣ୍ଟ ଉଦଘାଟିତ ହୋଇଯାଇଛି। ଏହି ଅବସରରେ ଅତିଥିଭାବେ କୋରୁକୋଣ୍ଡା ବିଜୁ ଯୁବ ଜନତା ଦଳର ସଭାପତି ମନତୋଷ ବିଶ୍ଵାସ, କାମବାଡ଼ା ସରପଞ୍ଚ ରମାକାନ୍ତ ମାଡ଼କାମି, ପ୍ରବିଣ ମିସ୍ତ୍ରୀ, ପେଦା ଇନ୍ଦ୍ର ମୋହନ ମାଡକାମି, ମୁକୁନ୍ଦ ମାଡ଼ି, ନନ୍ଦ ବେହେରା, ମୁକା ମାଡ଼କାମି, ଅଭିମନ୍ୟୁ ହାଲବା, ଜିଆରଏସ ପ୍ରଦୀପ ବିଶ୍ଵାସ, ଯୁବ ନେତା ଲାକା ମାଡ଼କାମି, ଲବ ହନ୍ତାଳ ପ୍ରମୁଖ ଯୋଗଦେଇଥିଲେ। ଆଜିର ଏହି ଉଦଘାଟନୀ ମ୍ୟାଚ୍ ରେ ବାଲାକାଟି ସହିତ ଚିତୁଗୁଡ଼ା ମଧ୍ୟରେ ଖେଳ ଅନୁଷ୍ଠିତ ହୋଇଥିଲା। ଏଥିରେ ବାଲାକାଟି ବିଜୟ ଲାଭ କରିଥିଲା।
ବିଜୟ ଦଳକୁ ଅତିଥି ପୁରସ୍କୃତ କରିବା ସହିତ ଖେଳର ବିଶେଷତ୍ଵ ବୁଝାଇ ଖେଳାଳି ମାନଙ୍କୁ ଉତ୍ସାହିତ କରିଥିଲେ।
