ମାଲକାନଗିରି, ବାଲିମେଳା ଜଳ ଭଣ୍ଡାରରେ ବୁଡ଼ି ଜଣେ ନାବାଳିକାର ମୃତ୍ୟୁ ଘଟିଛି। ଗାଧୋଉଥିବା ବେଳେ ଜଳ ଭଣ୍ଡାରରେ ବୁଡ଼ି ନାବାଳିକାର ମୃତ୍ୟୁ ଘଟିଛି । ମୃତ ନାବାଳିକା ଜଣକ ଅପରେଟର କଲୋନୀର ପଦ୍ମିନୀ।
ସୂଚନା ମୁତାବକ, ଚିତ୍ରକୋଣ୍ଡା ଅପରେଟର କଲୋନୀର ପଦ୍ମିନୀ କାନ୍ଦୁଲିଆ (୧ ୫) ନିଜ ଆଇ ଘର ଦୋରାଘାଟକୁ ବୁଲିବାକୁ ସପରିବାର ସହ ଆସିଥିଲେ। ସେଠାରେ ଗତକାଲି ପଦ୍ମିନୀ ଦୋରାଘାଟ ସ୍ଥିତ ଦୁଇ ସାଙ୍ଗଙ୍କ ସହ ମିଶି ନିଜ ଆଇଙ୍କ ସହ ଛେଳି ଚରେଇବାକୁ ବାହାରି ପଡିଥିଲେ ନିକଟସ୍ଥ ନଦୀ ନିକଟକୁ। ସେଠାରେ ପଦ୍ମିନୀ ଓ ଦୁଇ ସାଙ୍ଗ ନଦୀରେ ବୁଡି ଗାଧୋଉଥିବା ବେଳେ ହଠାତ୍ ପଦ୍ମିନୀ ନଦୀରେ ନିଖୋଜ ହୋଇଯାଇଥିଲା। ତୁରନ୍ତ ପଦ୍ମିନୀଙ୍କ ସହ ଯାଇଥିବା ଦୁଇ ସାଙ୍ଗ ପଦ୍ମିନୀଙ୍କ ଆଇଙ୍କୁ ଏହି ଦୁର୍ଘଟଣା ବିଷୟରେ କହିବାରୁ ସଙ୍ଗେ ସଙ୍ଗେ ପଦ୍ମିନୀଙ୍କ ବାପାଙ୍କୁ କହିଥିଲେ। ଘଟଣାସ୍ଥଳରେ ପଦ୍ମିନୀଙ୍କ ବାପା ପହଁଚି ବହୁତ୍ ଖୋଜାଖୋଜି ପରେ ମୃତ ଅବସ୍ଥାରେ ପଦ୍ମିନୀଙ୍କୁ ନଦୀରୁ ବାହାରକୁ ବାହାର କରିଥିଲେ ପଦ୍ମିନୀଙ୍କ ବାପା। ଖବର ପାଇ ଘଟଣାସ୍ଥଳରେ ସ୍ଥାନୀୟ ରାଜସ୍ଵ ନିରୀକ୍ଷକ ପହଁଚି ଘଟଣା ସମ୍ପର୍କରେ ଅଧିକ ତଦନ୍ତ କରିଥିଲେ।
