ମାଲକାନଗିରି – ମାଲକାନଗିରି ମହାବିଦ୍ୟାଳୟ ସଭା କକ୍ଷରେ ଜିଲ୍ଲା ସ୍ତରୀୟ ଯୁବ ରେଡକ୍ରସ କାର୍ଯ୍ୟବାହୀନି ବୈଠକ ମାଲକାନଗିରି ମହାବିଦ୍ୟାଳୟର ଅଧ୍ୟକ୍ଷ ଅଶୋକ କୁମାର ଷଡଙ୍ଗିଙ୍କ ସଭାପତିତ୍ୱରେ ଅନୁଷ୍ଠିତ ହୋଇଯାଇଛି । ଏଥିରେ ମୁଖ୍ୟ ଅତିଥି ଭାବେ ସ୍ୱତନ୍ତ୍ର ଆଦିବାସୀ ବିକାଶ ପରିଷଦର ଅଧ୍ୟକ୍ଷ ମାନସ କୁମାର ମାଡକାମୀ, ମୁଖ୍ୟବକ୍ତା ଭାବେ ଯୁବ ରେଡକ୍ରସର ସମ୍ପାଦକ ପ୍ରମୋଦ କୁମାର ବେହେରା, ସମ୍ମାନନୀୟ ଅତିଥି ରୂପେ ଆଦର୍ଶ ଥାନା ଆଇଆଇସି ରାମ ପ୍ରସାଦ ନାଗ, ମାଲକାନଗିରି ସରକାରୀ ମହାବିଦ୍ୟାଳୟ ଅଧକ୍ଷ ଚନ୍ଦନ ମିଶ୍ର, ବୈଷୟିକ ଶିକ୍ଷାନୁଷ୍ଠାନର ଅଧ୍ୟକ୍ଷ ଇଂଜିନିୟର ଗଦାଧର ମହାରଣା, ଜିଲ୍ଲା ଅଗ୍ନିଶମ ଅଧିକାରୀ ସରୋଜ କୁମାର ବେହେରା ପ୍ରମୁଖ ଯୋଗଦେଇଥିଲେ । ଏହି ବୈଠକରେ ମାଲକାନଗିରି ମହାବିଦ୍ୟାଳୟ ଅଧ୍ୟକ୍ଷଙ୍କ ସମେତ ୨ ୫ଟି ମହାବିଦ୍ୟାଳୟର ଅଧ୍ୟକ୍ଷ ଓ ପରାମର୍ଶଦାତା ଯୋଗଦେଇଥିଲେ । ଅଧ୍ୟକ୍ଷ ଓ ପରାମର୍ଶଦାତାଙ୍କୁ ମିଶାଇ ମୋଟ ୫0 ଜଣ ଯୋଗଦେଇ ନିଜ ନିଜର ମତାମତ ରଖିଥିଲେ ।
ବୈଠକରେ ଏମଭି ୭ ୯ ଶ୍ୟାମପ୍ରସାଦ କନିଷ୍ଠ ମହାବିଦ୍ୟାଳୟରେ ତିନି ଦିନିଆ ଶିବିର କରିବା ପାଇଁ ନିଷ୍ପତି ନିଆଯାଇଥିଲା । ରେଡକ୍ରସର ମୂଳମନ୍ତ୍ର ସେବା, ସାହାଯ୍ୟ ଓ ବନ୍ଧୁତ୍ୱ ବିଷୟରେ ଆଲୋଚନା କରାଯାଇଥିଲା । କାର୍ଯ୍ୟକ୍ରମକୁ ଯୁବ ରେଡକ୍ରସର ଜିଲ୍ଲା ଆବାହକ ତଥା ସଂପାଦକ ଅଧ୍ୟାପକ ଡ଼ଃ ରଞ୍ଜନ କୁମାର ସ୍ୱାଇଁ ପରିଚାଳନା କରିଥିବାବେଳେ ମାଲକାନଗିରି ଯୁବ ରେଡକ୍ରସର ସଂଯୋଜକ ଡ ଆଶିଷ କୁମାର ରାଠୋର ଧନ୍ୟବାଦ ଅର୍ପଣ କରିଥିଲେ ।
