ଭୁବନେଶ୍ୱର, ଆଜି ଝାରସୁଗୁଡାରେ ଶକ୍ତି ପ୍ରଦର୍ଶନ କରିବ ବିଜେପି । ରବିବାର ଦିନ କେନ୍ଦ୍ର ଶିକ୍ଷା ମନ୍ତ୍ରୀ ଧର୍ମେନ୍ଦ୍ର ପ୍ରଧାନ ଝାରସୁଗୁଡା ଯାଇ ନିର୍ବାଚନ ପ୍ରଚାରରେ ସାମିଲ ହେଲେ । ଝାରସୁଗୁଡା ଉପନିର୍ବାଚନ ପାଇଁ ଦଳୀୟ ପ୍ରାର୍ଥୀ ଟଙ୍କଧର ତ୍ରିପାଠୀଙ୍କ ପାଇଁ ପ୍ରଚାର କରି ଭୋଟ୍ ଭିକ୍ଷା କରିବେ କେନ୍ଦ୍ରମନ୍ତ୍ରୀ । ନିର୍ବାଚନୀ ସଭା ସହ ଶୋଭାଯାତ୍ରାରେ କେନ୍ଦ୍ରମନ୍ତ୍ରୀ ସାମିଲ ହେବେ । ସୂଚନା ଅନୁଯାୟୀ ଶନିବାର ବିଳମ୍ବିତ ସଂଧ୍ୟାରେ କେନ୍ଦ୍ରମନ୍ତ୍ରୀ ବାଙ୍ଗାଲୁରୁରୁ ସିଧାସଳଖ ଝାରସୁଗୁଡା ବିମାନବନ୍ଦରରେ ପହଂଚିବେ ଓ ରାତ୍ରୀଯାପନ କରିବେ । ରବିବାର ପୂର୍ବାହ୍ନରେ କୋଲାବିରା ବ୍ଲକ୍ ଅନ୍ତର୍ଗତ ଝିରଲାପାଲି ଗ୍ରାମପଂଚାୟତରେ ଆୟୋଜିତ ସଭାରେ ଯୋଗ ଦେବେ । ସେହିପରି ଅପରାହ୍ନରେ ଝାରସୁଗୁଡା ଟାଉନ୍ ରେ ଆୟୋଜିତ ରୋଡ୍ ସୋରେ ସାମିଲ ହେବେ କେନ୍ତ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ । ରାତିରେ ସେ ବାଙ୍ଗାଲୁରୁ ଫେରିଯିବାର କାର୍ଯ୍ୟକ୍ରମ ରହିଛି ।
